Bienzedi 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bena Pâtia ne Bena Madai ne Bena Elama, ne badi bashikame mu Mesopotamia, ne mu Yudaya ne mu Kapadokia, ne mu Ponto ne mu Asia,

MUKANDA WA MYIDI MUKULU

⁹ Munkatshi muetu emu se mudi bena Parte, bena Madayi, bena Elame, bantu ba mu Mezopotamiya, ba mu Yudeya, ba mu Kapadokiya, ba mu Pontuse, ba mu buloba bua Aziya,

Bienzedi 2:9 Marejeleo ya Msalaba

Genese 10:22

Bana balume ba Sheme badi nunku Elama ne Ashû ne Âpakashada ne Luda ne Alama.

Genese 14:1

Mu matuku a Amalafele, mukelenge wa Shinâ, ne Ayoka, mukelenge wa Elasa, ne Kedôlaome, mukelenge wa Elama, ne Tidala, mukelenge wa Goyima,

Genese 24:10

Muhika wandi wakangata nyama ya tumelo dikumi mu tshisumbu tshia tumelo bia mukelenge wandi, wakaya ne biuma bia mukelenge wandi bia mishindu yonso mu tshianza tshiandi, wakabika, wakaya ku buloba bua Mesopotamia, ku musoko wa Naho.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

1 Kulondolola 19:6

Hakamona Bena Amona ne, Tuakadivuisha bu tshintu tshibi kudi Davidi, Hanuna ne Bena Amona bakatuma tshinunu tshia ntalanta ya argent bua kusumbabo makalu ne bena nvita badi benda ha nyima ha tubalu ku Mesopotamia ne ku Alama-mâka ne ku Zoba.

Ezela 6:2

Bakasangana mukandu ku Akemeta mu nsubu wa mukelenge udi mu buloba bua Bena Madai, wakadi mufunda nunku:

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Danyele 5:28

PERES, bakutahulula bukelenge buebe, bakubuha Bena Madai ne Bena Pelasa.

Danyele 8:2

Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Danyele 8:20

Bua tshimpanga tshiwakamona tshiakadi ne nsengu ibidi, nsengu ai idi bukelenge ba Bena Madai ne Bena Pelesa.

Bienzedi 16:6

Hakabakanda Nyuma Muimpe bua kuamba di dia Nzambi mu Asia, bakahitshila mu luseke lua Fugia ne Galatia.

Bienzedi 18:2

Wakasanganamu Muena Yuda mukuabo, dina diandi Akula, mulela ku luseke lua Ponto, mufume tshituha tshihi ku Italia, ne mukashi wandi Pisikila, bua Kulaudio wakela mukenshi ne, Bena Yuda bonso bumuke mu Lomo. Paulo wakaya kudibo.

Bienzedi 19:10

Bualu ebu buakenjibua tô bidimu bibidi, nunku bonso bakadi bashikama mu Asia bakunvua dî dia Mukelenge, Bena Yuda ne Bena Gelika.

Bienzedi 19:27

Kakuena anu bualu ebu bua kutshina ne, Lumu lua mudimu wetu ludi luamba kulua lubi nkayalu, kadi bua ntempelo wa nzambi mukashi munene Atemise neabadibue ne, Ntshianana, ne bua yeye neumushibue ku butumbi buandi, ngudi bantu bonso ba mu Asia ne ba ha buloba bonso batendelela.

Bienzedi 19:31

Bantu banene bakuabo ba mu Asia, balunda bandi, bakamutumina dî bakadi bamusengelela ne, Kudibueledi mu muaba au wa tshitangidilu.

Bienzedi 2:8

Tudi tunvua, muntu ne muntu, muaku wandi wa kuakatulabo munyi?

Bienzedi 20:16

Kadi Paulo wakamana kudisunguila bua kuhita Efeso, bua kakasua kulehesha matuku mu Asia; wakadi uya lukasa ne, Binamanya mua kufika ku Yelushalema ha dituku dia Pentekoste.

Bienzedi 20:18

Hakaluabo kudiye, wakabambila ne, Nuenu nudi bamanye bienzedi bianyi binakadi nʼabi munkatshi muenu matuku onso, ku difuku dia kumudilu dinakadiata makasa anyi mu Asia tô ne katataka,

Bienzedi 20:4

Bakadi bamufila ku Asia bakadi Sopato wa ku Beloya, muana wa Pulo; ne Bena Tesalonike, Alistâko ne Sekundo; ne Gayo wa ku Dêbe; ne Timote; ne Tukiko ne Tofimo ba ku Asia.

Bienzedi 21:27

Hakamba matuku au muanda mutekete kushika, Bena Yuda ba mu Asia, hakamumonabo mu ntempelo, bakashikila tshisumbu tshionso tshia bantu, bakamukuata,

Bienzedi 24:18

Hanakadi ngenza nunku, bakansangana mumane kulengeshibua mu ntempelo, tshi ne tshisumbu tshia bantu, tshi ne diyoyo; kadi Bena Yuda ba mu Asia bakadimu;

Bienzedi 27:2

Hatuakabuela mu buatu bua ku Adulamutiona buakadi buamba kuya ku miaba yakadi kukala kua mai a luseke lua Asia, tuakaya; Alistâko, Muena Makedonia wa ku Tesalonike wakadi nʼetu.

Bienzedi 6:9

Kadi bakuabo ba mu nsunagoga udibo babikila ne, Ngua Bena Budishikaminyi, ne wa Bena Kulene, ne wa Bena Alesandelia, ne wa Bena Kilikia ne Bena Asia bakabika, bakela mpata ne Stefano.

Bienzedi 7:2

Stefano wakamba ne, Bana betu ne batatu, unvuai; Nzambi wa butumbi wakamueneka kudi tatu wetu Abalahama, hakadiye mu Mesopotamia, diambedi yeye kai muanze kushikama mu Halana,

Rome 16:5

Nuele bena ekelesia ba mu nsubu muabo muoyo. Nuele Epaineto, munanga wanyi, muoyo; yeye udi dimuma dia kumudilu dia mu Asia diakukuamishabo kudi Kilisto.

1 Korente 16:19

Bena ekelesia ba mu Asia badi banutumina muoyo. Akula ne Pisikila ne bena ekelesia ba mu nsubu wabo badi banutumina muoyo wa bungi mu Mukelenge.

2 Korente 1:8

Bana betu, katuena basue nuenu nuhange kumanya bua makenga akatukuata mu Asia, bu muakatamba bujitu kutunemena, buhita bukole buetu, tô ne hatuakamanya ne. Netufue;

Dielulula 23:4

bualu bua bobo kabakanuha bia kudia ne mai a kunua mu nshila hanuakaluhuka mu Ejipitu; ne bualu bua bobo bakahita Belâma, muana mulume wa Beô ku Petô wa mu Mesopotamia, bua kunueleye mulau.

2 Timote 1:15

Udi mumanye bualu ebu ne, Bantu bonso ba mu Asia bakumuka kundi; Fugelo ne Hêmogene badi munkatshi muabo.

1 Petro 1:1

Petelo, mupostolo wa Yesu Kilisto, kudi bantu basungudibue kudi Nzambi, badi benyi bena tshimuangi, ba mu Ponto, Galatia, Kapadokia, Asia ne mu Bitunia,

Didimanyisha 1:11

diamba ne, Bualu bûdi utangila, ubufunde mu mukanda, ûtume kudi ekelesia muanda mutekete: ku Efeso, ne ku Semuna, ne ku Pêgamo, ne ku Tuatila, ne ku Sâdi, ne ku Filadelefia, ne ku Laodikiya.

Didimanyisha 1:4

Yone kudi ekelesia muanda mutekete idi mu Asia, ngasa ikale kunudi ne ditalala, bia kudi Yeye udiku ne wakadiku ne udi ulua; ne kudi Nyuma muanda mutekete idi ku mpala kua nkuasa wandi wa butumbi;

Balombodi 3:8

Nunku tshiji tshia Yehowa tshiakadi kudi Bena Isalele, yeye wakabahana mu bianza bia Kushana-lishatayima, mukelenge wa mu Mesopotamia; Bena Isalele bakakuatshila Kudihana-lishatayima mudimu bidimu muanda mukulu.