Bienzedi 19:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Hakashika malu â, Paulo wakahangidisha bua kuhitshila mu Makedonia ne Akaya bua kuyeye ku Yelushalema, wamba ne, Hangikalaku, bundi nʼabu mbua kuya kumona Lomo kabidi.

MUKANDA WA MYIDI MUKULU

²¹ Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

Bienzedi 19:21 Marejeleo ya Msalaba

Muadi 3:37

Muntu kai udi mua kuela dî ne, Bualu buenjibue, bikata Mukelenge kayi muanze kuela dî diandi?

Bienzedi 16:12

tuakajukamu, tuakaya ku Filipoi, musoko wakadi muhite yonso mikuabo ya mu luseke alu lua Makedonia; musoko eu wakadi nkolonyi wa Bena Lomo; tuakadi tulala mu musoko au matuku.

Bienzedi 18:12

Hakadi Galio muloho munene mu luseke lua Akaya, Bena Yuda bakabika diatshimue, bakatantamena Paulo, bakalua nʼandi ku tshilumbuluidi,

Bienzedi 18:21

Kadi hakasanganeye nʼabo, hakambeye ne, Nempingane kunudi kabidi biasua Nzambi, wakumuka ne buatu mu Efeso.

Bienzedi 19:22

Hakatumeye babidi ba mu bakadi bamukuatshisha, Timote ne Elasto, ku Makedonia, yeye nkayandi wakashala mu Asia tshituha.

Bienzedi 19:29

Musoko wakûla tente ne diyoyo; hakakuatabo Gayo ne Alistâko, bantu ba ku Makedonia, bafidi ba Paulo ku luendu luandi, bakanyemena hohamue mu muaba wa tshitangidilu tshia malu.

Bienzedi 20:16

Kadi Paulo wakamana kudisunguila bua kuhita Efeso, bua kakasua kulehesha matuku mu Asia; wakadi uya lukasa ne, Binamanya mua kufika ku Yelushalema ha dituku dia Pentekoste.

Bienzedi 20:22

Katataka nyaya ne mutshima wanyi musuika ku Yelushalema, tshi mumanye malu aluaku kundi,

Bienzedi 21:17

Hatuakafika mu Yelushalema, bana betu la mu Kilisto bakatusankidila.

Bienzedi 21:4

Hatuakamona bayidi, tuakalalamu matuku muanda mutekete. Bantu aba, bamane kumanyishibua kudi Nyuma, bakambila Paulo ne, Kubandi ku Yelushalema.

Bienzedi 23:11

Hakila butuku, Mukelenge wakimana ha buihi nʼandi, wakamba ne, Kolesha mutshima webe; bu muwakuamba bualu buanyi mu Yelushalema, nunku bûdi nʼabu mbua kubuamba mu Lomo kabidi.

Bienzedi 27:1

Hakasungulabo bua tuetu kuya mu bualu ku Italia bakafila Paulo ne bakuabo bakadi mu nsubu wa lukanu mu bianza bia Yulio, kapitene ka mu tshisumbu tshia masalayi tshiakadibo babikila ne, Tshia Augusto.

Bienzedi 27:24

wakungambila ne, Paulo, kutshinyi; bûdi nʼabu mbua kuimana ku mpala kua Kaisa; ne mona, Nzambi wakukuha bonso badi benda nʼebe mu buatu.

Bienzedi 28:16

Hatuakabuela mu Lomo, bakitabusha bua Paulo ashikame ha nkayandi ne disalayi dimulame.

Rome 1:11

Bualu bua udi njinga bua kunumona bua kunuhesha kuha kukuabo kua Nyuma, bua nuenu nujadikibue.

Rome 1:13

Bana betu, tshiena musue nuhange kumanya ne, Misangu ya bungi nakadisunguila bua kulua kunudi (ne nakuhumbishibua tô ne katataka), bua meme kuangata mamuma munkatshi muenu kabidi bu munakuângata munkatshi mua bisamba bikuabo bia bende.

Rome 1:15

Nunku, bu mundi mua kuenza, ndi mudilongolole bua kuamba lumu luimpe kudi nuenu kabidi badi mu Lomo.

1 Korente 16:5

Nendue kunudi hanahitshila mu Makedonia; bualu bua nempitshile mu Makedonia;

1 Korente 4:19

Kadi meme nendue kunudi tshituha tshihi, biasua Mukelenge; ne hanalua, nemanye, kendî dia badi badisue, kadi nemanye bukole buabo.

2 Korente 10:16

bua tuetu kuambila bantu ba ku nseke idi ku mpala kuenu lumu luimpe; ne bua tuetu katutumbi mu mukalu wa muntu mukuabo bua mudimu nuimana kulongolola.

Ngalate 2:1

Hakashika bidimu dikumi ne binai, nakaya ku Yelushalema tshiakabidi ne Bânaba; tuakaya ne Tito kabidi.

1 Tesalonike 1:7

bua bualu ebu nuakalua tshidikishilu kudi bonso badi bitabusha mu Makedonia ne mu Akaya.