Bienzedi 18:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hakadi Galio muloho munene mu luseke lua Akaya, Bena Yuda bakabika diatshimue, bakatantamena Paulo, bakalua nʼandi ku tshilumbuluidi,

MUKANDA WA MYIDI MUKULU

¹² Pavua Ngaliyone muena Rome mupete muanzu wa mulombodi wa buloba bua Akaya, bena Yuda kumyuangana bua kuluisha Polu. Kumukuatabu, kuya nende ku tshilumbuluilu,

Bienzedi 18:12 Marejeleo ya Msalaba

Matayi 27:19

Hakadiye ushikama mu nkuasa wa bulumbuludi, mukashi wandi wakamutumina dî ne, Kubuedi mu bualu bua muntu muakane eu; lelu nakutamba kukenga mu tshilota bua bualu buandi.

Yowanane 19:13

Hakunvua Pilato mei â, wakaluhuka ne Yesu, wakashikama mu nkuasa wa bulumbuludi ha muaba wakadibo babikila ne, Wa Mabue Malongolola Hanshi, kadi mu Buena Yuda ne, Gabata.

Bienzedi 13:12

Hakatangila muloho munene bualu ebu, wakitabusha, diyisha dia Mukelenge diakamukemesha.

Bienzedi 13:50

Kadi Bena Yuda bakakabila bakashi bimpe bakadi ne butumbi ne bantu banene ba mu musoko, bakabishila Paulo ne Bânaba dikenga, bakabumusha mu luseke luabo.

Bienzedi 13:7

Wakadi mushikame ne muloho munene, dina diandi Sêgio Paulo, muntu wa lungenyi. Sêgio Paulo wakabikila Bânaba ne Shaula, wakakeba bua kunyua dî dia Nzambi.

Bienzedi 13:8

Kadi Eluma, mutempeshanganyi wa mbuku, bua badi bakudimuna dina diandi nunku, wakabatantamena, wakasua kusesuisha muloho munene ku ditabusha.

Bienzedi 14:19

Kadi Bena Yuda ba ku Antiokia ne Ikonio bakalua ka Luseta, bakashikila bantu, bakakuma Paulo ne mabue, bakamukoka bamuimasha kukala kua musoko, bela meshi ne, Udi mufue.

Bienzedi 14:2

Kadi Bena Yuda bakadi bahidia bakavundulula mitshima ya bantu ba bisamba bia bende, bakaivuisha mifike kudi bena kuitabusha.

Bienzedi 17:13

Hakamanya Bena Yuda ba mu Tesalonike ne, Paulo udi wamba dî dia Nzambi ku Beloya kabidi, bakaluaku kabidi, bakakankisha bantu, bakabalubakasha.

Bienzedi 17:5

Kadi Bena Yuda bakakuatshika mukau, bakasangisha bena bufuba babi ba ku tshisalu, bakunguisha tshisumbu tshinene tshia bantu, bakabanga kubishisha diyoyo dinene mu musoko, bakabuela mu nsubu wa Yasona ku bukole bakeba kuluhulabo Paulo ne Sila bua kubafilabo kudi bantu.

Bienzedi 18:11

Yeye wakashikamaku talala tshidimu tshijima ne ngondo isambombo, uyisha dî dia Nzambi munkatshi muabo.

Bienzedi 18:27

Hakasueye kuya mu Akaya, bana babo ba mu Kilisto bakakolesha mutshima wandi, bakafundila bayidi mukanda bua kumuitabushabo. Hakafikeye, wakatamba kukuatshisha bantu bakadi bamane kuitabusha bua ngasa wa Nzambi;

Bienzedi 19:21

Hakashika malu â, Paulo wakahangidisha bua kuhitshila mu Makedonia ne Akaya bua kuyeye ku Yelushalema, wamba ne, Hangikalaku, bundi nʼabu mbua kuya kumona Lomo kabidi.

Bienzedi 25:10

Kadi Paulo wakamba ne, Ndi muimane ku tshilumbuluidi tshia Kaisa, bundi nʼabu bua kulumbuluishibuaku; tshiakuenzela Bena Yuda bibi, bu mûdi wewe mene mumanye bimpe kabidi.

Rome 15:26

Bua Bena Makedonia ne Bena Akaya bakasanka bua kusangisha bintu bikuabo bua kukuatshisha nʼabi bahele ba munkatshi mua basanto ba mu Yelushalema.

Rome 16:5

Nuele bena ekelesia ba mu nsubu muabo muoyo. Nuele Epaineto, munanga wanyi, muoyo; yeye udi dimuma dia kumudilu dia mu Asia diakukuamishabo kudi Kilisto.

1 Korente 16:15

Bana betu, ndi nusengelela (nudi bamanye ba mu nsubu wa Stefana ne badi bu mamuma a kukuama diambedi mu Akaya, ne bakadifila bua kukuatshila basanto mudimu)

2 Korente 1:1

Paulo, mupostolo wa Kilisto Yesu, bua disua dia Nzambi, ne Timote, muanʼetu wa mu Kilisto, tudi tufunda mei kudi bena ekelesia wa Nzambi ba mu Kolinto ne kudi basanto bonso ba mu buloba buonso bua Akaya.

2 Korente 11:10

Bu mudi bushua bua Kilisto munda muanyi, kakuena muntu udi mua kunkanda mu bualu bundi ntumbila mu nseke ya Akaya.

2 Korente 11:26

Nakadi mu ngendu bihungu bia bungi; nakadi ne njû mu misulu, ne njû kudi banyengi, ne njû kudi bena tshisamba tshianyi, ne njû kudi bisamba bia bende, ne njû mu bimenga, ne njû mu tshihela, ne njû mu ma! manene, ne njû kudi bantu bakadinga ne, Tudi bana benu.

2 Korente 9:2

Bua ndi mumanye kudilongolola kuenu kunakatumbisha bua bualu buenu kudi ba mu Makedonia ne, Bena Akaya bakadianjila kulongolola kufila kuabo tshidimu tshia ku mpala; ne lukunukunu luenu luakasonsola mitshima ya bantu ba bungi.

1 Tesalonike 2:14

Bualu bua nuenu, bana betu, nuakalua bidikishi ba bena ekelesia ya Nzambi ya mu Yudaya mu Kilisto Yesu; bualu bua nuenu kabidi nuakakenga makenga muomumue kudi bena tshisamba tshienu, bu muakâkenga ba mu Yudaya kudi Bena Yuda.

1 Tesalonike 2:16

badi batukanda bua tuetu katuakudi ne ba bisamba bia bende bua bobo basungidibue; nunku bobo badi bakumbasha mibi yabo misangu yonso; kadi hashishe tshishi tshiakafika kudibo.

Yakobe 2:6

Kadi nuenu nuakuhetula muntu muhele. Bantu babanshi kabena banuenzesha ku bukole, bobo bine kabena banukoka ku bilumbuluidi, anyi?