Bienzedi 15:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ kakatahulula hankatshi hetu nʼabo, wakuvua mitshima yabo ku ditabusha.

MUKANDA WA MYIDI MUKULU

⁹ mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Bienzedi 15:9 Marejeleo ya Msalaba

Misambu 51:10

Nzambi, unfukile mutshima mutoke munda muanyi, ungenzele nyuma mujalame munda muanyi.

Yezekiyele 47:22

Nubutahulule ku kuela kua nshobo bua buikale buhianyi buenu, ne bua bantu ba bende badi bashikame munkatshi muenu ne badi balela bana munkatshi muenu. Bobo bikale kunudi bu bana baledibue mu meku a Bena Isalele; bikale ne buhianyi hohamue nʼenu munkatshi mua bisamba bia Bena Isalele.

Bienzedi 10:15

Dî diakalua kudiye tshiakabidi ne, Kubikidi tshiakulengeshabo kudi Nzambi ne, Ntshia tshianana.

Bienzedi 10:28

Wakabambila ne, Nuenu nudi bamanye ne, Bualu bua Muena Yuda kusomba ne muntu wa tshisamba tshikuabo anyi kulueye ha buihi nʼandi budi tshijila; kadi Nzambi wakundesha ne, Kubikidi muntu mukuabo ne, Ngua tshianana, anyi ngua tshijila;

Bienzedi 10:34

Petelo wakabulula mukana muandi, wakamba ne, Bulelela, ndi njingulula ne, Nzambi kena ne kansungunsungu,

Bienzedi 11:12

Nyuma wakungambila ne, Ya nʼabo, kuedi mpata. Bana betu aba to mu Kilisto basambombo bakuya kunfila, luakubuela mu nsubu wa muntu au.

Bienzedi 14:1

Mu Ikonio bakabuela diakamue mu nsunagoga wa Bena Yuda, bakambila bantu dî diakitabushisha ba bungi, Bena Yuda ne Bena Gelika.

Bienzedi 14:27

Hakaluabo, hakasangishabo bena ekelesia, bakabalondela malu onso akenza nʼabo Nzambi, ne bua yeye wakunzuluila bisamba bia bende tshibi tshia ditabusha.

Rome 3:22

Buakane mene bua Nzambi bua ku ditabusha dia mu Yesu Kilisto kudi bonso badi bamuitabusha; bualu bua kakuena ditahuluka.

Rome 3:9

Nunku tumanye bishi? Tudi tubatamba buimpe, anyi? Nasha kakese. Bualu bua tuakudianjila kubanda Bena Yuda ne Bena Gelika kabidi ne, Buonso buenu nudi munshi mua bukokeshi bua bubi;

Rome 9:24

tuetu mene, bakabikileye kabidi, kamba munkatshi mua Bayuda nkayabo, kadi ba munkatshi mua bisamba bia bende kabidi; ebu mbualu bukole, anyi?

1 Korente 1:2

tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.

1 Korente 7:18

Muntu wakabikidibua hakadiye mutengula, anyi? Kavuishibu bu udi kai mutengula. Muntu wakabikidibua hakadiye kai mutengula, anyi? Kabamutengudi.

Ngalate 3:28

Kakuena Muena Yuda anyi Muena Gelika; kakuena muhika anyi mudishikamine; kakuena mulume anyi mukashi; bualu bua buonso buenu nudi muntu umue mu Kilisto Yesu.

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Efeze 3:6

bualu ebu busokoka ne, Ba bisamba bia bende badi bahianyi nʼetu, ne badi bituha nʼetu bia mubidi umue, ne badi bangatshi nʼetu ba mulayi mu Kilisto Yesu bualu bua lumu luimpe,

Kolose 3:11

Nunku kakuena mua kuikala Muena Gelika ne Muena Yuda, Muena ditengula ne udi kai muena ditengula, musenshi, Muena Sekutia, muhika ne mudishikamine; kadi Kilisto udi malu onso ne udi mu malu onso.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;