Bienzedi 10:43 - Mukanda wa Nzambi Dihungila Dikulukulu ne Dihungila Dihia-dihia 2003

⁴³ Baprofete bonso badi bamba bualu buandi ne, Muntu yonso wamuitabusha neangate dijimisha dia dibi mu dina diandi.

MUKANDA WA MYIDI MUKULU

⁴³ Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Bienzedi 10:43 Marejeleo ya Msalaba

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Marke 16:16

Witabusha, wabatijibua, nebamusungile; wahidia, nebamuhishe.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Yowanane 1:45

Filipo wakasangana Natanaele, wakamuambila ne, Tuakumona wakafunda Mose mu mikenshi, ne baprofete, Yesu wa ku Nazaleta, muana wa Yosefe.

Yowanane 20:31

kadi malu â adi mafundibue bua nuenu nuitabushe ne, Yesu udi Kilisto, Muana wa Nzambi; ne bua nuenu nuikale ne muoyo mu dina diandi, hanuitabusha.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Bienzedi 15:9

kakatahulula hankatshi hetu nʼabo, wakuvua mitshima yabo ku ditabusha.

Bienzedi 2:38

Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Bienzedi 26:22

Bualu bua nakaheta dikuatshisha dia kudi Nzambi, ndi muimane tô ne lelu eu, nmanyisha bakese ne banene, tshi ngamba manga malu, anu akambabo kudi baprofete ne kudi Mose ne, Alualua.

Bienzedi 3:16

Bualu bua ditabusha dia mu dina diandi, dina diandi diakukolesha muntu eu unudi nutangila ne unudi bamanye; bulelela, ditabusha diakufuma kudiye ndiakumuha bukole ku mesu kua buonso buenu.

Bienzedi 3:18

Kadi malu akamba Nzambi diambedi mukana mua baprofete bandi bonso ne, Kilisto wanyi neakenge, yeye wakashikisha nunku.

Rome 10:11

Mukanda wa Nzambi udi wamba ne, Wamuitabusha kena ufuishibua bundu.

Rome 3:21

Kadi katataka buakane bua Nzambi buakumueneshibua butahuluke ku mikenshi, bu mudibo babuamba mu mikenshi ne kudi baprofete.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.

Rome 6:23

Bualu bua difutu dia bubi ndufu, kadi diha dia luse dia Nzambi mmuoyo wa tshiendelele mu Kilisto Yesu Mukelenge wetu.

Rome 8:1

Nunku kakuena dihila mpindiu kudi badi mu Kilisto Yesu.

Rome 8:34

Udi ubahisha nganyi? NKilisto Yesu mene wakafua, E, bulelela, wakabishibua ku lufu, udi ku tshianza tshikole tshia Nzambi, udi utuakuila kabidi.

Ngalate 3:22

Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Efeze 1:7

Tudi ne kuhikudibua kuetu kudiye bua mashi andi, ne kubuikidibua kua malu mabi etu bu mudi bubanshi bua ngasa wandi,

Kolose 1:14

utudi ne kuhikudibua kuetu munda muandi, nkujimisha kua mibi yetu.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

1 Petro 1:11

bakebakeba tshikondo kai ne mushindu kai wa tshikondo tshiakabalesha Nyuma wa Kilisto wakadi munda muabo, hakadianjileye kubambila bua makenga a Kilisto ne bua butumbi buakadi ha kualonda.

Didimanyisha 19:10

Nakahona ku makasa andi bua kumukukuila. Yeye udi ungambila ne, Tangila bua wewe kuenji nunku nasha. Meme udi muhika nʼebe ne wa bana benu ba mu Kilisto badi ne bumanyishi bua Yesu; ukukuile Nzambi; bualu bua bumanyishi bua Yesu budi nyuma wa mei a baprofete.