Bienzedi 10:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Dî diakalua kudiye tshiakabidi ne, Kubikidi tshiakulengeshabo kudi Nzambi ne, Ntshia tshianana.

MUKANDA WA MYIDI MUKULU

¹⁵ Kumvuaye tshiakabidi diyi, dimuandamuna ne: — Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!

Bienzedi 10:15 Marejeleo ya Msalaba

Matayi 15:11

Tshintu tshidi tshibuela mukana mua muntu katshiena tshimubihisha, tshidi tshiluhuka mukana muandi ntshidi tshimubihisha.

Marke 7:19

Bualu bua katshiena tshiya mu mutshima, tshidi tshiya mu difu, tshidi tshiubibua. Bualu bua wakamba dî edi, yeye wakalengesha bintu bionso bia kudia.

Bienzedi 10:16

Bakenza nunku misangu isatu, tshintu bu tshilulu tshiakahingana lubilu mulu kabidi.

Bienzedi 10:28

Wakabambila ne, Nuenu nudi bamanye ne, Bualu bua Muena Yuda kusomba ne muntu wa tshisamba tshikuabo anyi kulueye ha buihi nʼandi budi tshijila; kadi Nzambi wakundesha ne, Kubikidi muntu mukuabo ne, Ngua tshianana, anyi ngua tshijila;

Bienzedi 11:9

Kadi dî diakufuma mulu tshiakabidi ne, Kivuishi tshidi tshilengesha kudi Nzambi ne, Ntshianana.

Bienzedi 15:20

kadi tubafundile mukanda bua kutekelabo bintu bidi bibihisha kudi mpingu, ne bua kutekelabo masandi, ne nyama mifiekela mu nshingu ha kuishiha, ne mashi.

Bienzedi 15:29

nulekele bintu bidi bishihela mpingu, nulekele kabidi mashi ne nyama mifiekela mu nshingu ha kuishiha, ne masandi; binualekela malu â, nenuenze bimpe. Nushale ne bukole.

Bienzedi 15:9

kakatahulula hankatshi hetu nʼabo, wakuvua mitshima yabo ku ditabusha.

Rome 14:14

Ndi mumanye ne ndi neitabushishibue mu Mukelenge Yesu ne, Kakuena tshintu tshidi tshibi nkayatshi; anu kudi muntu udi utshibala bu tshintu tshibi, tshidi tshibi kudiye.

Rome 14:20

Kushihi mudimu wa Nzambi bualu bua bia kudia. Bionso bidi bimpe bulelela, kadi bidi bibi kudi muntu udi ulenduisha mukuabo habidieye.

1 Korente 10:25

Tshintu tshionso tshidibo bahana ku tshisalu, nutshidie, kanukonkanganyi dikonka bualu bua muoyo-mukese;

Tite 1:15

Bintu bionso bidi biakane kudi bantu badi ne mitshima mitoke; kadi kudi badi babike, badi kabai ne ditabusha, kakuena tshintu tshidi tshiakane; kadi meshi abo ne muoyo-mukese wabo mbioneka.

Didimanyisha 14:20

Bakadiata tumuma mu tshikaminu ha nyima ha musoko, ne mashi akahatuka mu tshikaminu, akabanda tô ne ku mionshi ya ku mbanga ya tubalu, ku ntanta wa kilometa nkama isatu.