Bienzedi 1:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bakabelela nshobo, nshobo yakakuata Matia; bakamubala ne bapostolo dikumi ne umue.

MUKANDA WA MYIDI MUKULU

²⁶ Kutshinkabu bua kupeta muntu umue ku babidi aba. Kupetabu Matiyase. Kumusakidilabu ku bapostolu dikumi ne umue.

Bienzedi 1:26 Marejeleo ya Msalaba

1 Kulondolola 24:5

Bakabatahulula ku nshobo ku mudimu ne ku mudimu; bualu bua bakadi ne tuhita tua mu muaba wa tshijila ne tua Nzambi tua munkatshi mua bana ba Eleazâ ne tua Itamâ kabidi.

Nehemya 10:34

Tuetu ne bakuidi ne Bena Lewi ne bantu tuakela nshobo bua mulambu wa nkunyi bua kulua nʼau mu nsubu wa Nzambi wetu, bu muakadi biota bia batatuʼetu bua kuwosha ha tshioshelu tshia Yehowa Nzambi wetu mu bikondo biakasungulabo ku tshidimu ku tshidimu, bu muakafundabo mu mikenji;

Nehemya 11:1

Bantu banene bakashikama mu Yelushalema; bantu bakuabo bakela nshobo ya kusungulabo umue wa ku dikumi bua kushikameye mu Yelushalema, musoko wa tshijila, ne bakuabo tshitema bakashikama mu misoko mikuabo.

Nsumuinu 16:22

Lungenyi ludi bu mushimi wa mai a muoyo kudi muntu udi nʼalu, dikengesha dia bahote mbuhote buabo.

Nsumuinu 16:33

Badi belela nshobo ha bibelu, kadi dikosa dionso dia bualu didi difuma kudi Yehowa.

Lewitiki 16:8

Alona nêle mbushi ei ibidi nshobo, biakuata nshobo umue, ngua Yehowa, ne biakuata nshobo mukuabo, ngua Azazele.

Yona 1:7

Bakambilangana ne, Tuye kuela nshobo bua kumanya ne bualu ebu bubi budi butukuata mbua nganyi? Nunku bakela nshobo, nshobo yakakuata Yona.

Marke 6:30

Batangadiki ba Yesu bakadisangisha kudiye, bakamuambila malu onso akadibo benza ne malu onso akadibo bayisha bantu.

Bienzedi 1:23

Bakimanyika babidi, Yosefe wakadibo babikila ne, Bâsaba, wakadi biandi ne dinga dina ne, Yusto, ne Matia.

Bienzedi 13:19

Hakabutuleye bisamba muanda mutekete mu buloba bua Kanâna, wakabaha buloba buabo bu buhianyi tô bidimu bu nkama inai ne makumi atanu.

Bienzedi 2:14

Kadi Petelo wakimana ne bapostolo dikumi ne umue, wakabandisha dî diandi, wakabambila ne, Nuenu Bena Yudaya ne buonso buenu badi bashikama mu Yelushalema, numanye bienu bualu ebu, nunvue mei anyi.

Yoshua 14:2

bakatahulula muhianyi abo ne nshobo, bu muakambila Yehowa Mose, bua bisamba tshitema ne bua tshituha tshia tshisamba.

Yoshua 18:10

Yoshua wakabelela nshobo mu Shilo ku mesu kua Yehowa, ne Yoshua wakatahulula Bena Isalele buloba bu muakadi ditahulula diabo.

Didimanyisha 21:14

Lumbu lua musoko luakadi ne bishimikidi dikumi ne bibidi, ne hamʼbidi habi hakadi mena dikumi ne abidi a bapostolo dikumi ne babidi ba Muana wa Mukoko.