Bienzedi 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bana betu, buakadibo nʼabo mbua kushikisha dî didi difunda mu Mukanda wa Nzambi, diakambabo bua Yudasa diambedi kudi Nyuma Muimpe mukana mua Davidi, yeye wakadi mulombodi wa bakuatshi ba Yesu.

MUKANDA WA MYIDI MUKULU

¹⁶ — Bana betu, miaku idibu bafunde mu Mikanda ya tshijila ivua ne bua kukumbana. Mueyelu wa Tshijila uvua mudianjile kumanyisha mukana mua Davide malu a Yudase, muludiki wa bantu bavua bakuate Yezu.

Bienzedi 1:16 Marejeleo ya Msalaba

2 Samuele 23:2

Nyuma wa Yehowa wakungakuila, dî diandi diakadi ha ludimi luanyi.

2 Bakalenga 15:12

Edi ndi diakambila Yehowa Yehu ne, Bana bebe nebashikame ku nkuasa wa bukelenge wa Isalele tô ne ku tshikondo tshinai. Bualu ebu buakenjibua.

Misambu 41:9

Mulunda wanyi mene unakadi nʼandi ditalala ne unakeyemena, wakadi udia bidia bianyi wakuntua museba.

Matayi 26:14

Mukuabo wa bayidi dikumi ne babidi, dina diandi Yudasa Isakaliote, wakaya kudi bakuidi banene ba Nzambi,

Matayi 26:47

Hakatshidiye wamba nunku, Yudasa, mukuabo wa mu ba dikumi ne babidi, wakalua ne tshisumbu tshinene tshia bantu, bakadi ne miele ne bibonge, bafume kudi bakuidi banene ne bakulu ba bantu.

Matayi 26:54

Mei a mu Mukanda wa Nzambi ne, Bualu ebu nebulue, ahu neashike bishi?

Matayi 26:56

Kadi malu â onso akulua bua kushikisha mei akafunda baprofete mu Mukanda wandi. Hashishe, bayidi bandi bonso bakamushia, bakanyema.

Marke 12:36

Davidi mene wakamba mu Nyuma Muimpe ne, Mukelenge wakambila Mukelenge wanyi ne, Shikama ku tshianza tshianyi tshia balume Tô ne hanateka badi nʼebe lukuna munshi mua makasa ebe.

Marke 14:43

Hakatshidi Yesu wamba nunku, Yudasa, mukuabo wabo wa ba dikumi ne babidi, wakalua ne tshisumbu tshinene tshia bantu, bakadi ne miele ne bibonge bafume kudi bakuidi banene ba Nzambi ne bafundi ne bakulu.

Luke 22:47

Hakadiye wamba nunku, monai, tshisumbu tshia bantu tshiakalua, mukuabo wabo wa ba dikumi ne babidi, dina diandi Yudasa, wakalua ku mpala kuabo; wakalua ha buihi ne Yesu bua kutuangana nʼandi mishiku.

Yowanane 10:35

Bikaleye mubabikile ne banzambi, aba bakatuminabo dî dia Nzambi (ne dî dia mu Mukanda wa Nzambi kadiena mua kumushibua),

Yowanane 13:18

Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

Yowanane 17:12

Hanakadi nʼabo, nakubalama mu dina diebe diwakumpa; ne nakabalama, ne kakuakadi umue wakujimina anu muana wa dibutuka, bua kushikisha dî diakadi difunda mu Mukanda wa Nzambi.

Yowanane 19:36

Malu â akulua bua kushikisha dî diakafundabo mu Mukanda wa Nzambi ne, Kabena batshibula mukuha wandi.

Bienzedi 1:20

Bakafunda mu Mukanda wa Misambu ne, Nsubu wandi ashale hatuhu, Muntu kikadimu; ne, Mukuabo angate butangidi buandi.

Bienzedi 13:15

Hakashikishabo kubala mikenshi ya Mose ne mei a baprofete, bakelenge ba mu nsunagoga bakatumina Paulo ne bakadi nʼandi dî ne, Bana betu, binuikala ne dî dia kukolesha nʼadi mitshima ya bantu, ambai.

Bienzedi 13:38

Nunku bana betu, mimanye bimpe ne, Badi banuambila bua dijimisha dia mibi yenu kudi muntu eu Yesu;

Bienzedi 15:13

Hakayabo, Yakobo wakamba ne, Bana betu, teleshai dî dianyi;

Bienzedi 15:7

Hakadibo ne mpata ya bungi, Petelo wakabika, wakabambila ne, Bana betu, nudi bamanye ne, Mu matuku a kai e Nzambi wakasungula munkatshi muenu bua bisamba bia bende biunvue dî dia lumu luimpe mukana muanyi, bitabushe.

Bienzedi 2:23

yeye wakadi mufila bu muakadi meshi akasungula Nzambi ne bu muakadi budianjidi kumanya buandi, nuenu nuakuenzesha bianza bia bantu babi bua kumutekabo ku mutshi mutshiamakane ne bua kumushihabo.

Bienzedi 2:37

Hakunvuabo dî edi, mitshima yabo yakanyingalala, bakakonka Petelo ne bapostolo bakuabo ne, Bana betu, netuenze tshinyi?

Bienzedi 22:1

Bana betu ne batatu, unvuai divila dianyi dindi musue kunuambila katataka.

Bienzedi 23:1

Paulo wakatangila balumbuludi talala, wakamba ne Bana betu, nakadi muikale ne mutshima muakane ku mesu kua Nzambi tô ne ku dituku edi.

Bienzedi 23:6

Kadi hakamanya Paulo ne, Bakuabo mBasadoke, bakuabo mBafalese, wakela dî dikole ha tshilumbuluidi ne, Bana betu, Edi bianyi Mufalese, udi muana wa Mufalese; badi bandumbuluishila bua ditekemena ne bua dibika dia befue.

Bienzedi 28:17

Hakahita matuku asatu, Paulo wakabikila bakadi ku mutu kua Bena Yuda; hakunguilabo, wakabambila ne, Bana betu, tshiakenza bibi kudi bantu anyi ku bilele bia bankambua betu, kadi mu Yelushalema bakaufila musuika mu bianza bia Bena Lomo.

Bienzedi 28:25

Hakabangabo kuhunga mei munkatshi muabo, bakumuka, hakamana Paulo kubambila anu dî dimue ne, Nyuma Muimpe wakambidila bankambua benu bimpe kudi muprofete Yeshaya ne,

Bienzedi 7:2

Stefano wakamba ne, Bana betu ne batatu, unvuai; Nzambi wa butumbi wakamueneka kudi tatu wetu Abalahama, hakadiye mu Mesopotamia, diambedi yeye kai muanze kushikama mu Halana,

1 Petro 1:11

bakebakeba tshikondo kai ne mushindu kai wa tshikondo tshiakabalesha Nyuma wa Kilisto wakadi munda muabo, hakadianjileye kubambila bua makenga a Kilisto ne bua butumbi buakadi ha kualonda.

2 Petro 1:21

Bualu bua kakuena diyisha dia baprofete diakanza kulua ku disua dia muntu; badi bantu bakamba dî dia kudi Nzambi benzesha kudi Nyuma Muimpe.

2 Petro 2:21

Biakadi bitamba buimpe bua bobo kabai banze kumanya nshila wa buakane, ne hakamumanyabo, bua bobo kuela nyima ku mukenshi wa tshijila wakabelelabo.