Balombodi 1:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua lufu lua Yoshua, Bena Isalele bakebesha Yehowa ne, Wadianjila kuya ku mpala kuetu kudi Bena Kanâna bua kuluangana nʼabo nvita nganyi?

MUKANDA WA MYIDI MUKULU

¹ Yoshuwa mumane kufua, bena Izrayele kuebeja Maweja-Nangila bua kumanya tshisamba tshiabu tshivua mua kudianjila kuluisha bena Kenaane.

Balombodi 1:1 Marejeleo ya Msalaba

1 Bakalenga 22:5

Yehoshafata wakambila mukelenge wa Isalele ne, Ndi nkusengelela ne, Udianjile kukonka dî dia Yehowa.

Ekesode 18:15

Mose wakambila tatuʼandi-muenu ne, Bualu bua bantu badi balue kundi bua kuebesha Nzambi malu.

Ekesode 28:30

Ubueshe mabue a Ulima ne Tumima mu masoso a mu tshilulu tshia dilumbulula tshia ha tshiadi, a neikale ha mutshima wa Alona hayeye ku mpala kua Yehowa, Alona neatuale kulumbulula kua malu a Bena Isalele ku mpala kua Yehowa matuku onso.

Dibadika 27:21

Yeye neimane ku mpala kua Eleazâ muakuidi, yeye neamukonkele kulumbulula kua Ulima ku mpala kua Yehowa, ku dî diandi bobo nebaluhuke, ne ku dî diandi bobo nebabuelemu, ne yeye ne Bena Isalele bonso badi nʼandi.

Balombodi 1:27

Bena Manashe kabakihata Bena Bete-sheana ne misoko yau, anyi Bena Tanaka ne misoko yau, anyi Bena Dô ne misoko yau, anyi Bena Yibelama ne misoko yau, anyi Bena Megido ne misoko yau; kadi Bena Kanâna bakadi bashikama mu buloba abu.

Balombodi 2:21

meme kabidi tshiena ngihata bisamba bia bantu ku mpala kuabo, biakashiya Yoshua hakafueye:

Balombodi 2:8

Yoshua, muana mulume wa Nuna, muntu wa Yehowa, wakafua hakadiye ne bidimu lukama ne dikumi.

Balombodi 2:9

Bakamujika ku mukalu wa buhianyi buandi mu Timenatahelese, ku mikuna ya mu Efelayima, ku nôde kua mukuna wa Gasha.

Balombodi 20:18

Bena Isalele bakabika, bakaya ku Betele, bakebesha Nzambi bualu bua kuenzabo; bakamba ne, Ba kutudi badianjile kuluisha Bena Benyamina mbanganyi? Yehowa wakamba ne, Bena Yuda nebadianjile kuya.

Balombodi 20:23

Bena Isalele bakaya, bakadila ku mpala kua Yehowa tô ne dilolo; bakebesha Yehowa ne, Netuhingane bua kuluangana ne bana betu Bena Benyamina kabidi, anyi? Yehowa wakabambila ne, Nubaluishe.

Balombodi 20:27

Bena Isalele bakakonka Yehowa (bualu bua mushete wa tshihungidi tshia mei a Yehowa wakadiku mu matuku au,

Balombodi 20:28

ne Pinehasa, muana wa Eleazâ, muana wa Alona, wakadi muimane ku mpala kua mushete mu matuku au), bamba ne, Netuye bua kuluangana ne bana betu Bena Benyamina kabidi, anyi nealekele? Yehowa wakabambila ne, Yai bienu, bualu bua nembafile mu bianza bienu makelela.

1 Samuele 10:22

Nunku bakebesha Yehowa ne, Muntu mukuabo ulualua, anyi? Yehowa wakabambila ne, Monai, yeye wakadisokoka munkatshi mua bintu.