Agayi 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi Yehowa udi wamba ne, Kolesha mutshima webe mpindiu, Zelubabela; wikale ne mutshima mukole, wewe Yoshua, muana wa Yehosadaka, muakuidi munene; koleshai mitshima yenu, nuenu bantu bonso ba mu buloba ebu; enzai mudimu kabidi, bualu bua Yehowa wa misumba udi wamba ne, Meme ndi nʼenu.

MUKANDA WA MYIDI MUKULU

⁴ Meme Maweja-Nangila ndi nnuambila ne: Wewe Zerubabele, wewe Yeshuwa mutuangaji munene, muana wa Yoshadake, ne nuenu bena ditunga bonsu, koleshayi muoyi, tuadijayi mudimu. Meme Maweja-Nangila wa bukole buonsu, ndi nnulaya ne: nengikale nenu.

Agayi 2:4 Marejeleo ya Msalaba

2 Samuele 5:10

Davidi wakakolakola bualu bua Yehowa, Nzambi wa misumba, wakadi nʼandi.

1 Kulondolola 22:13

Hashishe wewe newikale ne diakalengele biwadimuka bua kutumikila mikenji ne mei biakambila Yehowa Mose bua Bena Isalele; wikale ne dikima ne mutshima mukole; kutshinyi, kukuatshiki buowa.

1 Kulondolola 28:20

Davidi wakambila Solomo muanʼandi ne, Wikale ne bukole ne mutshima wa dikima, wenze bualu ebu; kutshinyi, kuhangi bualu ebu; bualu bua Yehowa Nzambi, Nzambi wanyi mene, udi nʼebe; yeye kena ukuhanga, kena ukulekela tô ne hawashikisha mudimu eu wonso wa mu nsubu wa Yehowa.

Ezela 10:18

Munkatshi mua bana ba bakuidi bakadi babake bakashi ba bende bakasangana bantu nunku: ba bana ba Yeshua, muana wa Yozadaka, ne bana babo Mâseya ne Eliezê ne Yaliba ne Gedaliya.

Ezela 5:2

Hashishe Zelubabela, muana wa Shaletiele, ne Yeshua, muana wa Yozadaka, bakajuka, bakabanga kuasa nsubu wa Nzambi udi mu Yelushalema; baprofete ba Nzambi bakadi nʼabo, bakabakuatshisha.

Ekesode 3:12

Nzambi wakamba ne, Bulelela, nengikale nʼebe, nenkuhe tshimanyinu etshi tshidi tshilesha ne nakukutuma hawahatula bantu badi mu Ejipitu, nenutendelele Nzambi ha mukuna eu.

Agayi 1:13

Nunku Hagai, muena mukenji wa Yehowa, wakambila bantu dî dia Yehowa diakabatumineye ne, Yehowa udi wamba ne, Meme ndi nʼenu.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.

Zekâya 8:9

Yehowa wa misumba udi wamba ne, Koleshai maboko enu; nuenu badi bunvua mei â a mu matuku â mukana mua baprofete bakadiku mu dituku diakajadikabo bishimikidi bia nsubu wa Yehowa wa misumba, ntempelo eu mene, bua kumuibakabo.

Marke 16:20

Bakaya, bakamba bualu bua Nzambi kuonso; Mukelenge wakabenzesha, wakajadika dî ne bimanyinu biakabalonda. Amen.

Bienzedi 7:9

Bankambua betu bakadi ne Yosefe mukau, bakamuhana mu Ejipitu; kadi Nzambi wakadi nʼandi,

1 Korente 16:13

Nutabale, nutantamane mu ditabusha, nuikale balume mene, nukuatshibue bikole.

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Dielulula 31:23

Yeye wakadimusha Yoshua, muana wa Nuna, ne, Wikale ne bukole ne mutshima wa dikima; bualu bua wewe neulue ne Bena Isalele mu buloba bunakabalaya; meme nengikale nʼebe.

2 Timote 2:1

Nunku wewe muanʼanyi, ukoleshibue mu ngasa wa mu Kilisto Yesu.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

Yoshua 1:6

Ikala ne bukole ne mutshima wa dikima, bualu bua wewe neutahuluke bantu aba buhianyi bua buloba bunakalaya batatuʼabo bua kubahabu.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Balombodi 2:18

Hakababishila Yehowa mulumbuluishi, hashishe Yehowa wakadi ne mulumbuluishi eu, wakabasungila mu bianza bia bena lukuna babo matuku onso a mulumbuluishi eu; bualu bua Yehowa wakadi ukudimuna mutshima wandi bualu bua kutua kua mikemu yabo yakatuabo hakadibo babakengesha ne hakadibo babatatshisha.

1 Samuele 16:18

Hashishe umue wa bansongalume bandi wakamba ne, Mona, nakatangila muana wa balume wa Yishai, Muena Beteleheme, udi mumanye mua kuimba tshisanji bimpe, udi muntu wa bukitu, muena nvita mene, udi Wamba mei a lungenyi, udi ne mpala mulengele: Yehowa udi nʼandi kabidi.