Agayi 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ambila Zelubabela, muana wa Shalatiele, gouverneur wa mu Yuda, ne Yoshua, muana wa Yehosadaka, muakuidi munene, ne bantu bonso badi bashale ne,

MUKANDA WA MYIDI MUKULU

² Uvua mumutume kudi mulombodi wa buloba bua bena Yuda, Zerubabele, muana wa Sheyaltiyele, kudi mutuangaji munene Yeshuwa, muana wa Yoshadake, ne kudi bantu bonsu bavua bumuke mu bupika, bua kubakonka ne:

Agayi 2:2 Marejeleo ya Msalaba

Ezela 1:8

Kolesha, mukelenge wa Pelasa, wakalua nʼau mikale mu tshianza tshia Miteledata, mulami wa tshibutshilu, wakâbala kudi Sheshebasâ, muntu munene wa mu Yuda.

Ezela 2:63

Gouvemeur wakabambila ne, Kanuena mua kudia bintu bitambe bia tshijila tô ne habika muakuidi bua kukonkeye bualu ebu ne Ulima ne Tumima.

Ezela 3:2

Hashishe Yeshua, muana wa Yozadaka, wakimana ne bakuidi bakuabo, ne Zelubabela, muana wa Shaletiele, ne bana babo bakajuka, bakasa tshioshelu tshia Nzambi wa Isalele, bua kufilahu milambu ya kuosha bu muakafundabo mu mukanda wa mikenji ya Mose, muntu wa Nzambi.

Nehemya 8:9

Nehemiya gouverneur wakadi ne Ezela muakuidi ne mufundi ne Bena Lewi, bakadi bayisha bantu, bakambila bantu bonso ne, Dituku edi didi dia tshijila kudi Yehowa Nzambi wenu, kanujingi, kanutedi mua dî. Bualu bua bantu bonso bakadi badila hakunvuabo mei a mu mikenji.

Agayi 1:1

Mu tshidimu tshibidi tshia mukelenge Dayawesha, mu ngondo muisambombo, mu dituku dia kumudidi dia ngondo, dî dia Yehowa diakalua mukana mua muprofete Hagai kudi Zelubabela, muana wa Shalatiele, gouverneur wa mu Yuda, ne kudi Yoshua, muana wa Yehosadaka, muakuidi wa ha mutu ha bakuabo,

Agayi 1:12

Hashishe, Zelubabela, muana wa Shalatiele, ne Yoshua, muana wa Yehosadaka, muakuidi wa ha mutu ha bakuabo, ne bantu bonso bakadi bashala, bakatumikila dî dia Nzambi wabo, ne mei a muprofete Hagai, bualu bua Yehowa Nzambi wabo, wakamutuma; ne bantu bakadi batshina ku mpala kua Yehowa.

Agayi 1:14

Yehowa wakasonsola mutshima wa Zelubabela, muana wa Shalatiele, gouverneur wa mu Yuda, ne mutshima wa Yoshua, muana wa Yehosadaka, muakuidi wa ha mutu ha bakuabo, ne mitshima ya bantu bonso bakadi bashala, ne bua muanda eu bakalua ne bakabanga mudimu wa ku nsuhu wa Yehowa wa misumba, Nzambi wabo,