Agayi 1:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe, Zelubabela, muana wa Shalatiele, ne Yoshua, muana wa Yehosadaka, muakuidi wa ha mutu ha bakuabo, ne bantu bonso bakadi bashala, bakatumikila dî dia Nzambi wabo, ne mei a muprofete Hagai, bualu bua Yehowa Nzambi wabo, wakamutuma; ne bantu bakadi batshina ku mpala kua Yehowa.

MUKANDA WA MYIDI MUKULU

¹² Zerubabele, muana wa Sheyaltiyele, ne mutuangaji munene Yeshuwa, muana wa Yoshadake, ne bantu bonsu bavua bumuke mu bupika, kuitababu bionsu bivua muambi Agayi mubambile mu dina dia Maweja-Nangila Mvidi Mukulu wabu. Ke muvua muambi Agayi mukumbaje mudimu uvua Maweja-Nangila mumupeshe. Nanku bantu bonsu kunemeka Maweja-Nangila.

Agayi 1:12 Marejeleo ya Msalaba

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Ezela 10:18

Munkatshi mua bana ba bakuidi bakadi babake bakashi ba bende bakasangana bantu nunku: ba bana ba Yeshua, muana wa Yozadaka, ne bana babo Mâseya ne Eliezê ne Yaliba ne Gedaliya.

Ezela 5:2

Hashishe Zelubabela, muana wa Shaletiele, ne Yeshua, muana wa Yozadaka, bakajuka, bakabanga kuasa nsubu wa Nzambi udi mu Yelushalema; baprofete ba Nzambi bakadi nʼabo, bakabakuatshisha.

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Nsumuinu 1:7

Ditshina dia Yehowa ntshibangidilu tshia lungenyi; bahote badi bahetula meji ne diyisha.

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Yeshaya 1:19

Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Agayi 1:1

Mu tshidimu tshibidi tshia mukelenge Dayawesha, mu ngondo muisambombo, mu dituku dia kumudidi dia ngondo, dî dia Yehowa diakalua mukana mua muprofete Hagai kudi Zelubabela, muana wa Shalatiele, gouverneur wa mu Yuda, ne kudi Yoshua, muana wa Yehosadaka, muakuidi wa ha mutu ha bakuabo,

Agayi 1:14

Yehowa wakasonsola mutshima wa Zelubabela, muana wa Shalatiele, gouverneur wa mu Yuda, ne mutshima wa Yoshua, muana wa Yehosadaka, muakuidi wa ha mutu ha bakuabo, ne mitshima ya bantu bonso bakadi bashala, ne bua muanda eu bakalua ne bakabanga mudimu wa ku nsuhu wa Yehowa wa misumba, Nzambi wabo,

Agayi 2:2

Ambila Zelubabela, muana wa Shalatiele, gouverneur wa mu Yuda, ne Yoshua, muana wa Yehosadaka, muakuidi munene, ne bantu bonso badi bashale ne,

Bienzedi 9:31

Nunku bena ekelesia ba mu Yudaya yonso ne ba mu Galela ne ba mu Samalea bakadi ne ditalala, bakadi badiunda mu bualu bua Nzambi; bakadi benda mu dishina dia Mukelenge ne mu disamba dia Nyuma Muimpe; bakadi bavulangana ba bungi.

Dielulula 31:12

Nusangishe bantu bonso, ne balume ne bakashi ne bana bakese ne benyi badi munkatshi muenu, bua buonso buabo bumue, bayile lungenyi, batshine Yehowa, Nzambi wenu, batumikile mei onso a mikenji ei;

Dielulula 31:13

nunku bana babo badi kabayi banze kumanya nebunvue, nebamanye mua kutshina Yehowa, Nzambi wenu, tô matuku onso anudi nushikama mu buloba bunudi nuya dishiya dia Yadene bua kubuhiana.

Kolose 1:6

ludi lulua kunudi. Mbu mudilu mu buloba buonso kabidi lukuama mamuma ne ludiundadiunda bu mudilu luenza munda muenu kabidi, katshia ku dituku dinuakunvua ne dinuakamanya ngasa wa Nzambi mu bushua.

Ebrewu 12:28

Nunku, bualu bua tuetu tudi tuangata bukelenge budi kabui bumanye mua kuzakashibua, tuikale bietu ne disakidila, ditudi bamanye mua kukuatshila Nzambi udi unsankisha mudimu ne kunemekela ne ditshina;