3 Yone 1:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Munanga, kuidikishi bualu budi bubi, kadi idikisha bualu budi buimpe. Muntu utu wenza bimpe udi wa Nzambi; muntu utu wenza bibi, kena muanze kumona Nzambi.

MUKANDA WA MYIDI MUKULU

¹¹ Mulunda wanyi, kuidikiji bualu budi bubi, kadi idikija amu malu mimpe. Muntu udi wenza malu mimpe, udi wa Mvidi Mukulu. Udi wenza bibi, kena muanji kumona Mvidi Mukulu.

3 Yone 1:11 Marejeleo ya Msalaba

Misambu 34:14

Umuka ku malu mabi, enza malu mimpe; ukebe ditalala, udilonde.

Misambu 37:27

Umuka ku malu mabi, enza malu mimpe; nunku neushale tshiendelele.

Ekesode 23:2

Kulondi ku nyima kua tshisumbu tshia bantu tshinene bua kuenza malu mabi, kuikadi bu mu manyi wa bualu munkatshi mua bantu badi basangisha dî diabo bua kudibingisha mu tshilumbu tshidi ka tshiyi tshilelela.

Nsumuinu 12:11

Udi udima budimi buandi neikale ne bia kudia bia bungi, kadi udi ulonda malu a hatuhu kena ne lungenyi.

Yowanane 10:27

Mikoko yanyi idi yunvua dî dianyi, ndi muimanye, idi indonda;

Yowanane 12:26

Biangenzela muntu mudimu, andonde; muena mudimi wanyi neikale kundi ngikala; biangenzela muntu mudimu, Tatu neamutumbishe.

Yowanane 3:20

Muntu yonso utu wenza malu mabi katu wasua munya, kena ulua mu munya bua bienzedi biandi kabimanyibu.

1 Korente 11:1

Nuikale bidikishi banyi, bu mundi meme kabidi muidikishi wa Kilisto.

1 Korente 4:16

Nunku ndi nusengelela bua kuikala bidikishi banyi.

Efeze 5:1

Nunku mudihishe kuenza mudi Nzambi wenza, bu bana bandi bananga.

Filipe 3:17

Bana betu, nulue bienu bangidikishi banyi hohamue; nutangile bantu badi benda nunku bu munudi nʼetu bu tshidikishilu.

1 Tesalonike 1:6

Ne nuenu nuakalua bidikishi betu ne ba Mukelenge; nuakitabusha di mu dikenga dikole hohamue ne disanka dia mu Nyuma Muimpe;

1 Tesalonike 2:14

Bualu bua nuenu, bana betu, nuakalua bidikishi ba bena ekelesia ya Nzambi ya mu Yudaya mu Kilisto Yesu; bualu bua nuenu kabidi nuakakenga makenga muomumue kudi bena tshisamba tshienu, bu muakâkenga ba mu Yudaya kudi Bena Yuda.

2 Timote 3:10

Kadi wewe wakalonda diyisha dianyi, bienzedi bianyi, bualu bunakahangidisha, ditabusha dianyi, lutulu luanyi, dinanga dianyi, kutantamana kuanyi,

Ebrewu 6:12

bua kanulu bienu bahungidi, kadi nulue bidikishi ba badi bahiana milayi bua ditabusha ne lutulu.

1 Petro 3:11

Adimuke biandi ku malu mabi. Enze malu mimpe; Akebe biandi ditalala, adiunde.

1 Petro 3:13

Ne nganyi wanuenzela bibi, binuaya bena lukunukunu ba malu mimpe?

1 Yone 2:29

Binuamanya ne, Yeye udi muakane, nudi bamanye ne, Muntu yonso kabidi utu wenza malu makane wakuledibua kudiye.

1 Yone 3:10

Mu muanda eu bana ba Nzambi ne bana ba diabolo badi bajinguluka; muntu yonso udi kai wenza malu makane kena wa Nzambi; ne yeye udi kai unanga muanʼabo kabidi.

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.