3 Yone 1:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku binalua, nenuvuluishe midimu idiye wenza, utubanda ne mei mabi; kai mudiholeshe ne malu â, kena witabusha bana betu ba mu Kilisto, ne udi uhidisha bantu badi basue kubakuatshisha, udi ubumusha mu ekelesia.

MUKANDA WA MYIDI MUKULU

¹⁰ Nanku pandi mfika, ne mmanyishe patoke malu mabi onsu adiye wenza, miaku mibi idiye untamba, ne malu adiye utushiminyina. Ku bilema ebi udi usakidila kabidi tshikuabu: kena wakidila bena ditaba badi batutantshila. Udi ukandika kabidi badi basue kubakidila, ukeba kubipata mu Tshisumbu tshia bena ditaba.

3 Yone 1:10 Marejeleo ya Msalaba

Nsumuinu 10:10

Udi uvinya disu diandi udi mbisha kanyinganyinga, ne muena biakulakula neahone hanshi.

Nsumuinu 10:8

Muena mutshima wa meji udi witabusha mikenji, kadi muena biakulakula neahone hanshi.

Yeshaya 66:5

Nuenu badi bazakala hanunvua dî diandi, unvuai dî dia Yehowa ne, Bana benu badi nʼenu lukuna ne bakanuihata bua bualu bua dina dianyi bakuamba ne, Yehowa atumbishibue, bua tuetu tumone disanka dienu; kadi mbobo bine balualua kufuishibua bundu.

Luke 6:22

Hikala bantu nʼenu lukuna, hanumushabo munkatshi muabo, hanuhendabo, hahetulabo dina dienu ne, Ndibi, bua bualu bua Muana wa muntu, nenuikale ne disanka.

Yowanane 9:22

Bamuledi bakamba nunku, bua bakadi batshina Bena Yuda; Bena Yuda bakadi bamane kusangisha dî ne, Wamujukula ne, Kilisto, nebamumushe mu nsunagoga.

Bienzedi 1:15

Mu matuku â Petelo wakimana munkatshi mua bana babo ba mu Kilisto, bakadi badisangishe nunku bu lukama ne makumi abidi, yeye wakamba ne,

2 Korente 13:2

Nakadianjila kunuambila hanakadi nʼenu musangu muibidi, ne katataka kabidi hangikala tshi munkatshi muenu, ndi ndianjila kuambila bantu bakenza malu mabi diambedi ne bantu bonso bakuabo ne, Binalua tshiakabidi, tshiena mbafuila luse.

Ngalate 6:10

Nunku hatudi bamanye mua kuenza, tuenzelai bantu bonso bimpe, kadi tutambe kuenzela bena diku dia bena kuitabusha bimpe.

1 Timote 5:13

Bunga bualu, badi bayila kabidi mua kuikala bafuba, bendakana ku nsubu ne ku nsubu; ne kabena bayila mua kuikala anu ne bufuba nkayabu, kadi mua kuikala bena mukoso ne bena bienzenza, bakula mei adi kâi mimpe bua kuakula.

2 Yone 1:10

Bialua muntu kunudi kai ulua ne diyisha edi, kanumuitabushi mu nsubu, kanumuedi muoyo;

2 Yone 1:12

Bualu bua ndi ne malu a bungi a kunufundila, tshiakasua kunufundila ha mabeshi ne mai a mikanda; kadi ndi ntekemena bua kulua kunudi, ne bua kuakula nʼenu ku mesu, bua disanka dienu dikumbashibue.

3 Yone 1:3

Bualu bua nakasanka bikole hakalua bana betu banmanyisha bua bushua buebe, ne bu mûdi wenda mu bushua.

3 Yone 1:5

Munanga, wewe udi wenza mudimu wa lulamatu mu bualu buonso bûdi wenzela badi bana betu ba mu Kilisto ne benyi kabidi;