1 Yone 3:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu muanda eu bana ba Nzambi ne bana ba diabolo badi bajinguluka; muntu yonso udi kai wenza malu makane kena wa Nzambi; ne yeye udi kai unanga muanʼabo kabidi.

MUKANDA WA MYIDI MUKULU

¹⁰ Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

1 Yone 3:10 Marejeleo ya Msalaba

2 Samuele 13:22

Abashaloma kakambila Amenona mei mimpe anyi mei mabi; Abashaloma wakadi ne Amenona lukuna bualu bua yeye wakakuata muanʼabo mukashi Tamâ ku bukole.

Matayi 13:38

budimi budi bantu ba ha buloba; maminu mimpe adi bana ba mu bukelenge bua Nzambi, ntete ya luhela idi bana ba mubi;

Luke 6:35

Kadi nuenu suai badi nʼenu lukuna, nubenzele bimpe, nubasombeshe bintu, kanui nubitekemena kabidi; nunku difutu dienu nedikale dinene, nenuikale bana ba Udi Mutambe Bunene wa mu diulu, bualu bua yeye udi wenzela badi kabai bamusakidila ne badi babi malu mimpe.

Yowanane 1:12

Yeye wakaha bonso bakamuitabusha bukole bua kuluabo bana ba Nzambi, bobo mene badi bitabusha dina diandi;

Yowanane 11:52

yeye kakafuila anu tshisamba tshimue, kadi wakafuila bua kusangisha mu tshisumbu tshimue bana ba Nzambi bakadi batangadike.

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Yowanane 8:47

Wa Nzambi udi unvua mei a Nzambi; ebu mbualu bunudi kanui nûnvuila, bua kanuena ba Nzambi.

Bienzedi 13:10

wakamba ne, Wewe, mûle tente ne mashimi ne budimu, muana wa diabolo, udi ne malu makane onso lukuna, kuena ulekela kunyanga nshila milulame ya Mukelenge, anyi?

Rome 13:8

Kanuikadi ne muntu dinga dibanza anu dia kunangangana; bua wananga mukuabo wakushikisha mikenshi.

Efeze 5:1

Nunku mudihishe kuenza mudi Nzambi wenza, bu bana bandi bananga.

Kolose 3:14

Ha mutu ha malu â onso nuluate dinanga, didi tshisuikidi tshia malu onso a buakane buonso.

1 Timote 1:5

Kadi tshidi mukenshi eu ukeba kuheta ndinanga dia mu mutshima mutoke ne dia mu muoyomukese muimpe ne dia mu ditabusha didi kadi ne lubombo.

1 Yone 2:29

Binuamanya ne, Yeye udi muakane, nudi bamanye ne, Muntu yonso kabidi utu wenza malu makane wakuledibua kudiye.

1 Yone 3:1

Tangilai mushindu wa dinanga diakamba Tatu bua tuetu tubikidibue ne Bana ba Nzambi; ne tud nunku. Bua bualu ebu ba ha buloba kabena batumanye, bualu bua kabakamumanya.

1 Yone 3:2

Bananga, katataka tudi bana ba Nzambi; kadi kabuena buanze kumanyibua mutuikala. Tudi bamanye ne, Biamueneshibueye, netuikale bafuanangane nʼandi; bualu bua netumumone bu mudiye.

1 Yone 4:21

Tudi tuangata mukenshi eu kudiye ne, Muntu udi unanga Nzambi anange muanʼabo kabidi.

1 Yone 4:6

Tuetu tudi bana ba kudi Nzambi, udi mumanye Nzambi udi utunvuila; udi kai wa kudi Nzambi kena utunvuila. Mu bualu ebu tudi bamanye nyuma wa bulelela, ne nyuma wa mashimi.

1 Yone 4:8

Muntu udi kai ne dinanga kena muanze kumanya Nzambi; bualu bua Nzambi udi dinanga.

1 Yone 5:19

Tudi bamanye ne, Tuetu tudi ba Nzambi, ne ba ha buloba bonso badi balala mu bubi.

1 Yone 5:2

Mu muanda eu tudi bamanye ne tudi tunanga bana ba Nzambi hatuananga Nzambi ne hatuenza mikenshi yandi.

3 Yone 1:11

Munanga, kuidikishi bualu budi bubi, kadi idikisha bualu budi buimpe. Muntu utu wenza bimpe udi wa Nzambi; muntu utu wenza bibi, kena muanze kumona Nzambi.