1 Yone 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bituamba ne, Katuena ne mibi, tudi tudidinga, ne bushua kabuena munda muetu.

MUKANDA WA MYIDI MUKULU

⁸ Tuetu bambe ne: katuena ne bubi, tudi tudishima. Bulelela kabuena munda muetu.

1 Yone 1:8 Marejeleo ya Msalaba

1 Bakalenga 8:46

Biakuenzelabo bibi (ne kakuena muntu udi kayi wenza malu mabi) ne wewe udi nʼabo tshiji, udi ubafila mu bianza bia bena lukuna babo bua kuyabo nʼabo bu bahika mu buloba bua bena lukuna, mu buloba budi kule anyi budi ha buihi;

2 Bakalenga 20:15

Yeye wakamuebesha ne, Bakatangila bintu kai mu nsubu webe? Hezikiya wakamuambila ne, Bakatangila bintu bionso bia mu nsubu wanyi; kakuena tshintu tshimue tshia mu bintu bianyi tshinakahanga kubalesha.

2 Kulondolola 6:36

Biakuenzelabo bibi (bualu bua kakuena muntu udi kayi ne mibi) ne biwikala nʼabo tshiji, biwabafila kudi bena lukuna babo, ne biayabo nʼabo mu buhika ku buloba budi kule anyi budi ha buihi;

Yobe 14:4

Udi mua kuhatula tshintu tshia kane ku tshintu tshidi katshiyi tshiakane nganyi? Kakuena muntu.

Yobe 15:14

Muntu udi tshinyi bua yeye ikale ne mutshima mutoke, ne bua muntu muledibue kudi mukashi ikale muakane?

Yobe 25:4

Nunku muntu wa ha buloba udi mua kubingishibua ku mesu kua Nzambi munyi? Udi muledibue kudi mukashi udi mua kuikala ne mutshima mutoke munyi?

Yobe 9:2

Ndi mumanye bimpe ne, Bualu ebu mbulelela; kadi muntu neamanye mua kuikala muakane ku mpala kua Nzambi munyi?

Misambu 143:2

Kulumbuluishi muena mudimu webe, bualu bua kakuena muntu udi muakane ku mesu kuebe hatshidiye ne muoyo.

Nsumuinu 20:9

Muntu kai udi mua kuamba ne, Nakuvuisha mutshima wanyi mutoke, ndi mulengeshibue ku bubi buanyi?

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

Yeshaya 53:6

Buonso buetu tuakubambuka bu mikoko, tuakukudimuka bua kuya muntu wandi nshila muntu wandi nshila; Yehowa wakuteka dihila dia bubi bua buonso buetu hamʼbidi handi.

Yeshaya 64:6

Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.

Yirmeya 2:35

Kadi wewe udi wamba ne, Tshiena ne tshilumbu; bulelela, tshiji tshiandi tshiakûmuka kundi; mona, ndi nkulumbuluisha bualu bua udi wamba ne, Tshiakuenza bualu bubi.

Lewitiki 13:12

Kadi bikala disama dia nsudi ditampakane mu dikoba ne biabuikiladi dikoba dionso dia muena nsudi, ku mutu tô ne ku makasa andi, ku miaba yonso idi muakuidi utangila,

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Rome 3:10

bu muakafundabo ne, Kakuena muntu udi muakane, nasha umue.

Rome 3:23

Bualu bua bonso bakenza malu mabi, ne badi bahanga kuheta butumbi kudi Nzambi.

1 Korente 3:18

Muntu kadidingi. Biela muntu meshi ne, Meme ndi muena meshi munkatshi muenu wa mu tshikondo etshi, alue biandi muhote bua kuikaleye muena meshi.

Ngalate 6:3

Bikala muntu udiela meshi ne, Ndi muntu mimene, hatshidiye muntu wa tshianana, yeye udi udidinga.

1 Timote 6:5

ne kutandangana kua bantu badi ne meshi abo moneka, ne bualu bulelela bumushibua munda muabo, badi batshinka ne, Buimpe bua Nzambi ntshihetelu tshia luhetu.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

Yakobe 1:22

Kadi nuikale benji ba di, kanuikadi anu bunvui badi, bua nunku nudi nudidinga.

Yakobe 1:26

Biela muntu meshi ne, Ndi ndonda malu a Nzambi, hadiye kai ukanda ludimi luandi, kadi udi udinga mutshima wandi, bualu bua Nzambi bua muntu eu budi tshianana.

Yakobe 3:2

Bualu bua buonso buetu tudi tulenduka mu malu a bungi. Bikala mukuabo kai ulenduka ku dî diandi eu udi muntu muakane tshishiki, udi mumanye mua kukanda mubidi wandi wonso.

2 Petro 2:13

badi bakengeshibua bu difutu dia kuenza kua malu mabi abo; bantu badi babala kutamba kudia kuabo ne kunua kuabo kua mu munya bu disanka; badi matobe ne bilema, batamba kudia ne kunua ku bidia bia dinanga hadiabo nʼenu;

1 Yone 1:10

Bituamba ne, Katuakuenza bibi, tudi tumuvuisha ne, Muena mashimi, ne dî diandi kadiena munda muetu.

1 Yone 1:6

Bituamba ne, Tudi ne buobumue nʼandi, hatutshidi tuenda mu midima, tudi tushima, ne katuena tuenza bualu bulelela;

1 Yone 2:4

Yeye udi wamba ne, Ndi mumumanye, kadi yeye katu walama mikenshi yandi, udi muena mashimi ne bualu bulelela kabuena munda muandi.

1 Yone 4:20

Biamba muntu ne, Ndi nanga Nzambi, ne yeye udi ne muanʼabo lukuna, yeye udi muena mashimi; bualu bua udi kai unanga muanʼabo wakutangileye, kena mumanye mua kunanga Nzambi udiye kai mutangile.

2 Yone 1:2

bua bualu bua bushua budi buikale munda muetu, nebuikale nʼetu tshiendelele.

3 Yone 1:3

Bualu bua nakasanka bikole hakalua bana betu banmanyisha bua bushua buebe, ne bu mûdi wenda mu bushua.