1 Timote 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Muomumue bakashi kabidi badilengeshe ne bilulu bidi bibakanyina; bikale ne kalolo ne buhuekele; kabaluki nsuki yabo bihia; kabaluatshi ngolo ne mabue ne bilulu bia mushinga muhite bungi;

MUKANDA WA MYIDI MUKULU

⁹ Ndi musue kabidi bua bantu bakaji bavuale mvuadilu wa kanemu, badilengeje kabayi badileja. Baluke nsuki pa ndukilu mulenga. Kabavuadi bilengejilu bia tshiamu tshia mpawungi, nansha bia mabue a busanga, nansha bilamba bia mushinga mukole.

1 Timote 2:9 Marejeleo ya Msalaba

Genese 24:53

Muhika wa Abalahama wakahatula bilenga bia argent ne bia or ne bilulu, Wakabikila kudi Lebeka, yeye wakaha muanʼabo mulume ne mamu wandi kabidi bintu bia mushinga mukole.

2 Bakalenga 9:30

Hakafika Yehu ku Yizelele, Izebele wakunvua lumu elu; wakalaba mukubu ku mesu, wakasuika tshitambala ku mutu, wakatangila ha disoso dia nsubu.

Estere 5:1

Hakahita matuku asatu, Esetê wakadiluatshisha bilulu biandi bia bukelenge, wakimana mu tshiendedi tshia munda mua nsubu wa mukelenge ku mbelu kua nsubu wa mukelenge; mukelenge wakadi mushikame mu nkuasa wandi wa bukelenge mu nsubu wa bukelenge, ku tshibueledi tshia nsubu.

Misambu 149:4

Bualu bua Yehowa udi ne disanka mu bantu bandi. Udi ulengesha badihuekeshi ne luhandu.

Nsumuinu 31:22

Udi udikumina bilulu bia ha bulalu; bivualu biandi bidi bia lin bia mushinga mukole ne bikunzubile.

Nsumuinu 31:25

Bukole ne buneme bidi bivualu biandi; udi usanka bua matuku alualua.

Nsumuinu 7:10

Monai! Mukashi udi ulua kumuakidila, muluate bivualu bia mukashi wa masandi, muikale ne mutshima wa budimu.

Yeshaya 3:16

Yehowa udi wamba kabidi ne, Bualu bua bana bakashi ba mu Siona badi badisue, badi benda bolola nshingu yabo, bakenzakana mesu mabi, bazunzuka, bakuisha nkanu idi miela ku mikolo yabo;

Yeshaya 61:4

Nebase tshiakabidi nsubu yakadi bikulu bia kale, nebabishe kabidi miaba yakadi mibutuke diambedi; nebalongolole misoko yakadi minyanguke, yakadi mibutuke bikondo bia bungi.

Yirmeya 2:32

Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

Yirmeya 4:30

Ne wewe, udibo banyange, newenze tshinyi? Nansha biwadiluatshisha ne bilulu bikunzubile, biwadilengesha ne bilenga bia or, biwalaba tukula ku mesu ebe, udi udilengesha hatuhu, bakunangi bebe badi bakuhetula, badi bakeba muoyo webe.

Matayi 11:8

Nuakuyila bua kutangila tshintu kai? Bua kutangila muntu muluate bilulu binefuke, anyi? Badi baluata bilulu binefuke batu bikala mu nsubu ya banfumu.

1 Timote 2:10

kadi badilengeshe ne bienzedi bimpe, bu mudi buakane bua bakashi badi bamba ne, Tudi tutshina Nzambi.