1 Timote 1:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Ndi musakidile Kilisto Yesu Mukelenge wetu mene, wakampa bukole bualu bua yeye wakambala bu muntu udi mua kueyemenyibua, wakanteka ku mudimu wandi;

MUKANDA WA MYIDI MUKULU

¹² Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

1 Timote 1:12 Marejeleo ya Msalaba

Matayi 20:4

yeye wakabambila ne, Yai bienu kabidi mu budimi, nenuhe tshidi tshiakane. Bakaya.

Yowanane 5:23

bua bantu bonso batumbishe Muana bu mudibo batumbisha Tatu. Udi kai utumbisha Muana kena utumbisha Tatu wakamutuma.

Bienzedi 16:15

Hakamubatizabo ne bakadi mu nsubu muandi, yeye wakatendekena ne, Binuanjingulula ne, Meme udi muena ditabusha mulelela wa Mukelenge, nulue mu nsubu muanyi nushalemu. Wakatuenzesha ne disengelela diandi.

Bienzedi 9:15

Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Bienzedi 9:22

Shaula wakadiundadiunda mu bukole, wakadi utshiudisha Bena Yuda bakadi mu Damaseke, wakabaluisha ne, Eu udi Kilisto.

1 Korente 15:10

Kadi bualu bua ngasa wa Nzambi ndi bu mundi emu; ne ngasa wandi kundi kakalua hatuhu, bualu bua meme nakatamba buonso buabo kuenza mudimu; kadi kememe nkayanyi, kadi ngasa wa Nzambi wakadi nʼanyi.

1 Korente 3:5

Nunku Apolo udi bu tshinyi? Paulo udi bu tshinyi? Badi bakuatshi ba mudimu ne nuenu nuakitabusha bua bualu buabo, bu muakabaha Mukelenge bukole muntu ne muntu.

1 Korente 7:25

Tshiena ne mukenshi wa kudi Mukelenge bualu bua bakashi batshidi tumama; kadi meme nkayanyi nakahangidisha bualu ebu bu muntu wakamana kuangata luse kudi Mukelenge bua kuikala muntu unudi mua kutekemena.

2 Korente 4:1

Bua bualu ebu tuetu tudi ne mudimu eu, bu mutuakaheta luse, katuena tuhanga;

Ngalate 3:26

Bua buonso buetu tudi bana ba Nzambi bua ditabusha dia mu Kilisto Yesu.

Ngalate 3:28

Kakuena Muena Yuda anyi Muena Gelika; kakuena muhika anyi mudishikamine; kakuena mulume anyi mukashi; bualu bua buonso buenu nudi muntu umue mu Kilisto Yesu.

Filipe 2:11

ne bua ndimi yonso yambe hatoke ne Yesu Kilisto udi Mukelenge, tô ne ku butumbi bua Nzambi Tatu.

Filipe 4:13

Ndi mumanye mua kuenza malu onso mu Mukelenge udi unkolesha.

Kolose 1:25

Nakavuishibua muena mudimu wa ekelesia bu mudi bulami bua kudi Nzambi buakampeye bua bualu buenu, bua meme kukumbasha dî dia Nzambi mu kuamba kuanyi;

1 Timote 1:1

Paulo, mupostolo wa Kilisto Yesu bu mudi mukenshi wa Nzambi Musungidi wetu, ne wa Kilisto Yesu ditekemena dietu,

1 Timote 1:11

bu mudi lumu luimpe lua butumbi bua Nzambi udibo batumbisha, luakatekibua mu bianza bianyi.

1 Timote 1:2

kudi Timote, muanʼanyi wa bushua mu ditabusha: Ngasa, luse, ditalala bia kudi Nzambi Tatu ne kudi Kilisto Yesu Mukelenge wetu.

1 Timote 6:13

Ndi nkuambila bikole ku mesu kua Nzambi udi uhesha bintu bionso muoyo, ne kua Kilisto Yesu wakajukula bualu buandi bimpe ku mesu kua Pontio Pilato;

2 Timote 2:2

Malu awakunvua kundi munkatshi mua bamanyi ba bungi, malu â wafile kudi bantu badi mua kueyemenyibua, balua kukumbana mua kuyisha bakuabo kabidi.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

Tite 1:4

Mukanda eu udi mufundila Tito, muana wanyi wa bushua mu ditabusha dimue dia bonso. Ngasa ne ditalala bia kudi Nzambi Tatu ne bia kudi Kilisto Yesu, Musungidi wetu, bikale nʼebe.

Filemone 1:9

kedi udi ntamba kusua kukusengelela bualu bua dinanga; udi wamba bualu ebu mmeme Paulo, muetu mununu, ne katataka muena lukanu kabidi wa Kilisto Yesu.