Tuma 9:39 - Tampulma

³⁹ Pita fun vaan si a tiŋ ba. Pita wa ba funɛ wa tel Jɔpa, ba fun kpa un zini dɛ naa Dɔɔkas nyɛn chen. Nidamata fun lagmi dooni a wi. Luhaana gbanko fun wa gbaari ba ni a pa takta wisa awa takta zene naa o fun nyɛn o miisa ni a sɔ a biksi Pita.

Tuma 9:39 Marejeleo ya Msalaba

Mat. 17:17

Yesu fun ŋɔ un, “Ma zinan nara se wa su min. Saha maga ma yaa tum tum tagniwa. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Mat. 26:11

Saha maga fara tim ta yaa nyɛn ma watɛɛ, amaa mu wa zi nyɛn ma wati aa la.

Maak 14:8

Haan ti funɛ kpaŋiu kinkan. O funɛ te kɔɔri mu barau di ba wa sogli min.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 12:8

Saha maga fara tim ta yaa nyɛn ma watɛɛ, amaa mu wa ma zi nyɛn vusi.”

Jɔn 17:12

Mu wa ba lagmi nyɛn dɔŋ wati nan, i kpokre mu fun kpa a nyini ba. Ba nibɛgim duŋduŋ ya nibin yɔri a fun lisi o nin a li ya ni. Chenani ba fun sɔbi o wɛ a li Koosa sɛm tɔn ti ni chen ya wutirɛ.

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Tuma 8:2

Nara ba naa yaa jɛɛmi Koosa, bɔnɛ funɛ wi kinkan Stivin daha a kpa un a sogli.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

2 Kɔr. 8:12

Ma daŋni kinkan di ma lisi a li ma kin ta ni a nyɛ nara ni, Koosa zi la ma papahau. O bak wa to kin naa ma vɛ koti a nyɛ ba. O baga nyɛnu di ma kpa nyɛ ba chenani ma koti.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

1 Tɛs. 4:13

Mu niinbisa, ya daŋni maa zim wutirɛ ba naa funɛ siti chen wɛ, chen ni ma tusa wa zi wa chɔk a chi ba naa vɛ kpak bambi bɛgim a li Yesu ni chen.

1 Tim. 5:3

Kinyɛ luhaana ba naa vɛ kpak nara ba nyini ba, wa jirima.

1 Tim. 5:5

Luhaan vɛ kpak nandigi o nyini un ka o kpak bambi bɛgim Koosa ni a la sumi un di o suŋi un nha awa dusum, o ya luhaan wutirɛ.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.