Tuma 9:34 - Tampulma

³⁴ Pita fun wa ŋɔ un, “Ɛnɛus, Yesu Kristo nyɛ i na alaafɛ. Si a guti i kichɔɔli.” Ɛnɛus fun vaan na alaafɛ a si a guti un.

Tuma 9:34 Marejeleo ya Msalaba

Mat. 8:3

Yesu fun kpa o nin a gbaŋsi un a ŋɔ di, “Mu daŋni i na alaafɛu. N tiibi hinu.” O funɛ ŋɔ chen ni, zagumti ti vaan gil un, ka o na alaafɛ.

Mat. 9:6

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi kotiu a gil nara tum tagna a nyɛ ba.” O fun ŋɔ wichɔɔr ti ni, “Si chiŋi a zer i kichɔɔli ti a la dama.”

Jɔn 2:11

Chenani Yesu fun nyɛ ni ti burgi sin Kena ni a li Galili pulum ni chen, funɛ te ya o tum zen. O tum zen ti funɛ biksi o gantɛl tiŋsi ta di Koosa kpok nyɛn un ni. O tum zen ti daha ba se fun su un.

Tuma 16:18

Nihabichɛl ti fun tiŋ ya a gba wuzu bilɛ. O fun wa tel o bɔ, Pɔɔl fun burgi a ŋɔ alizin tagin ti ni, “N kpa Yesu Kristo sɔnnɛ a ŋɔ hin di i li un ni.” Alizin tagin ti fun vaan li un ni.

Tuma 3:12

Pita funɛ na ka zɛmɛ ta gbaari, o fun ŋɔ ba, “Ma Ju tima, yɛrɛ ma nyɛ alaazibu kpak ma chen? Yɛrɛ ma nyini ya se ni chen ni? O wa ya ya titi kpok nee koo chenani ya yaa jɛɛmi Koosa nɛnɛ nyɛ baal nɔ na alaafɛ.

Tuma 3:16

Yesu kpok ti funɛ nyɛ baal ti na alaafɛ. Chenani ma na aa zim kinkin naa ya zinan li chenani ya se su Yesu nee. Chendaha baal nɔ na alaafɛ bar nɔ ma suwachak ni.

Tuma 3:6

Pita fun bu ŋɔ un, “Ya wa kpak malɛ a la zi nyɛ hin, amaa ya zi nyɛ hin kundɔŋu. Kpa Yesu Kristo Nazarɛt nar kpok a si a val.”

Tuma 4:10

Ya daŋni ma awa Ju tim ta maga zim chenani mu kaa ŋɔ mau nɛnɛ. Yesu Kristo Nazarɛt nar kpokre ya kpa a tiibi un. Ma fun kpaasi Yesu a mari daakakli ti ni o sou, amaa Koosa fun lɛlɛ unu a li o sou ni. Yesu daharɛ baal nɔ na alaafɛ a wa chiŋi bar nɔ zinan nan.

Tuma 9:33

Baal digi funɛ nyɛn doon ba yir un Ɛnɛus. O nisa awa o naŋgere fun sou. O fun chɔ o kichɔɔli ni bun mɛnasa.

Tuma 9:35

Lida tim ta awa ba naa maga nyɛn tɛɛnɛ naa mak dɔŋ ni fun nu chenani yɛɛ, a nyɛ ba se su ya kunyan ti.