Tuma 9:29 - Tampulma

²⁹ O wa Ju tima ba naa funɛ sɛm Girik tim sɛma, funɛ di dɔŋa wa amɔrɛ. Ba fun di amɔrɛ ti hali a wa ku a la nyini di ba na nyinbaan a kpu un.

Tuma 9:29 Marejeleo ya Msalaba

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 17:17

O yaa fun la zu Ju tim ta bar lagmi dɛ a biksi ba awa ba naa vɛ ya Ju tima a la jɛɛmi Koosa, Yesu wɛ. O biksi ti fun nyɛ ba wa un di amɔrɛ. O gbanko yaa fun la yawa a ŋɔ ba naa chiŋɛɛ di ba nu o sɛm ta.

Tuma 18:19

Ba fun la tel tɔhɔn naa ba yir Ɛfɛsus ka Pɔɔl fun la zu Ju tim ta bar lagmi dɛ di o wa ba di o biksi ti amɔrɛ.

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 22:18

mu fun na mu kunyan ti a chi mu deesi. O fun ŋɔ min, ‘Si lalaga a li Jɛrusalɛm ni, domi i ŋɔ ba naa nyɛn bar nɔ nan, chenani i chem min nyinbaan ni ka mu wa hin sɛm sɛma dɔŋ wati, ba wa zi nu i wati.’

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Tuma 9:27

Doone Barnabas fun wa suŋi un a kpa un kaali nitumɛ ta wati. O fun ŋɔ ba chenani Sɔɔl fun chem ya kunyana Yesu nyinbaan ni ba sɛm sɛma. O gbanko fun ŋɔ ba chenani Sɔɔl fun kpak bambi a biksi Damaskus tima Yesu wɛ.

Tuma 9:28

Ba fun nyɛ o nyɛn ba wati ka ba wa un gba Jɛrusalɛm a biksi nara ya kunyan ti wɛ.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.

Juud 1:9

Hali Koosa malaikasa nyuhu tiina naa ba yir Maikil, wa tun nan. O wa sintana funɛ di amɔrɛ di anti maa wa dɔ Mosis bara, o titi wa fun pini sintana zoma a di un sɛria, amaa o funɛ ŋɔ di Koosa la zi zulimi un.