Tuma 9:27 - Tampulma

²⁷ Doone Barnabas fun wa suŋi un a kpa un kaali nitumɛ ta wati. O fun ŋɔ ba chenani Sɔɔl fun chem ya kunyana Yesu nyinbaan ni ba sɛm sɛma. O gbanko fun ŋɔ ba chenani Sɔɔl fun kpak bambi a biksi Damaskus tima Yesu wɛ.

Tuma 9:27 Marejeleo ya Msalaba

Tuma 11:22

Yesu nitiŋɛ ba naa funɛ nyɛn Jɛrusalɛm ni, funɛ nu chenani ya Antiɔk ni a tum Barnabas dooni.

Tuma 11:25

O wa fun vusi ka Barnabas li dooni a kaali Taasus di o la dɛu Sɔɔl.

Tuma 12:25

Barnabas awa Sɔɔl funɛ kpa Yesu nitiŋɛ ba naa funɛ nyɛn Antiɔk ni, malɛ a du Yesu nitiŋɛ ba naa nyɛn Jɛrusalɛm ni, nihɛɛti ta nin ni. Doone Barnabas awa Sɔɔl fun kpa Jɔn Maak a gbaari ba ni a kaali Antiɔk.

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Tuma 4:13

Ba naa funɛ lagmi dɔŋ ni chen fun nu Pita sɛma, alaazibu fun kpak ba kinkan. Ba fun na di Pita awa Jɔn ya nyu bilim timwa, amaa hansura tama wa fun kpak ba. Kin nama funɛ nyɛ ba lisi di ba wa Yesu funɛ ya kpɛgsiwa.

Tuma 4:29

Lalaknɔ wara, ya kunyana, i zim chenani ba sɛm hansura sɛma a du ya niu. Ya naa ya i tumtumsa, ya sumi hinu di i nyɛ ya bambi kpoka ya ŋɔ nara ni i laaboor weri ti wɛ.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Tuma 9:17

Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”

Tuma 9:29

O wa Ju tima ba naa funɛ sɛm Girik tim sɛma, funɛ di dɔŋa wa amɔrɛ. Ba fun di amɔrɛ ti hali a wa ku a la nyini di ba na nyinbaan a kpu un.

1 Kɔr. 15:8

Min tiŋ gantɛl a na un. O funɛ duuti ba tiŋ gantɛllɛ a lul min mu na un.

1 Kɔr. 9:6

Mu wa Barnabas duŋduŋ kaa tum aa di ya bar wilim nii?

Gal. 2:13

Ba dɔŋtima ba naa funɛ ka a ya Ju tim ta, funɛ na chenani Pita fun tumu, ba tiŋ un. Hali Barnabas wa o dɔŋtima ba naa vɛ ya Ju tima, fun vɛ di o wa ba wa zi lagmi a di diwe.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.