Tuma 9:13 - Tampulma

¹³ Ananias fun ŋɔ un, “Mu kunyana, nibin damata funɛ ŋɔ min baal ti wɛ awa chenani o nyɛ Koosa nara namsi kinkan a li Jɛrusalɛm ni.

Tuma 9:13 Marejeleo ya Msalaba

Mat. 10:16

“Maa nu mu wati. Ma naa mu tum nan, ma zi chi piisisau gbesa bambaan ni. Adaha maa nɛɛgi a chi duma aa ya jɛrgɛ a chi koma.

Tuma 22:4

Nara funɛ ŋɔ min chenani nara bɔnɛ funɛ tiŋ Yesu nyinbaan, mu fun namsi ba kinkan a fun kpaksi ba nidamata a tɔ ba dɛ a kpaŋi mu titi a kpu bɔnɛ.

Tuma 8:3

Sɔɔl funɛ namsi Yesu nitiŋɛ ta kinkan. O funɛ zu ba damsa bu bɛgim bɛgima a lɛrgi nibaala awa nihaana a li a tɔ ba dɛ.

Tuma 9:1

Sɔɔl ha funɛ vɛɛna namsi Yesu nitiŋɛ tau Jɛrusalɛm ni a daŋni o kpu ba. O fun la Koosa dam kɔkɔɔrsi ta nihɛɛ ti wati,

Tuma 9:21

Alaazibu fun kpak ba naa maga nu o sɛm ta kinkan. Ba fun ŋɔ dɔŋ ni, “Baal nɔ nyɛ ba naa maga nyɛn Jɛrusalɛm ni a kpa Yesu sɔn a jɛɛmi un, na namsiu kinkan. Lalaknɔwa o wa di o wa kpaksi Yesu nitiŋɛ ba naa nyɛn bar nɔ, a bur kila Koosa dam kɔkɔɔrsi ta wati. Chen mun ya yɛrɛ?”

Tuma 9:32

Saha tirɛ Pita fun gba a la tɔ damata a la tel tɔhɔn naa ba yir Lida ka Koosa nara bɔnɛ nyɛn doon.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

Room 15:31

Ma sumi Koosa, chen ni o zi yisi minu a li ba naa vɛ un a li Judia pulum ni nisa ni. Ma gbanko kisumi un di o nara ba naa nyɛn Jɛrusalɛm ni zi la kin nawara mu kpa wa ba watiu.

Room 16:15

Ma zaami Filologus, Julia, Nɛrɛus awa o toosa, Olimpus, awa Koosa nara ba naa maga nyɛn ba wati.

Room 16:2

O wa pu ma, ma la un a du ya kunyan ti daha. O deŋlu di Koosa nara kiya chen. O funɛ suŋi nidamatau a suŋi min gbanko. Chendaha ma suŋi un wa kin naa o vɛ kpaki ni.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 14:33

Koosa ha wa yir ya di ya ya diŋ vɛ nuusawa, amaa di ya du balimmnɛ.

1 Kɔr. 16:1

Ma funɛ sɔbi tɔnnɛ a pɛɛsi min malɛ naa mu daŋni ma la a nyɛ Koosa nara ba naa nyɛn Judia pulum ni chen wɛ. Maa tum chenani mu fun ŋɔ Yesu nitiŋɛ ba naa nyɛn Galesia pulum ni, di baa tum chen.

1 Kɔr. 6:5

Chen deŋluu? Hiisa wa kpak ma. Ma wa kpak nibin nɛɛgɛ ba naa la zi koti a kɔɔri ma wu wisa a li ma nii?

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Filip. Tima 4:22

Koosa nara ba naa nyɛn tɔhɔn nɔ ni, zaami mau. Ba naa maga la tum koorsi ta nyuhu tiina Siiza dam zen ni zaami mau kinkan.

Kɔl. 1:2

Mu wa ya niinbe, Timoti, zaami ya dɔŋtima ma naa ya Koosa nara a li Kɔlɔsɛ ni aa tiŋ Kristo nɛnɛ. Ya kunyan Koosa kisuŋi ma a kinyɛ ma bara sɔɔna.

Ju 13:24

Ma zaami ma nihɛɛta awa Koosa nara ba naa maga nyɛn ma ni, a nyɛ ya. Ma niinbisa ba naa nyɛn Itali pulum ni, ba gbanko zaami mau.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.