Tuma 8:7 - Tampulma

⁷ O funɛ ŋɔ alizin tagna ni di a li nara tima bɔnɛ ni a fun huusi kinkan a li ba ni. O gbanko fun tiibi ba naa nisa awa naŋgere sitɛɛ awa ba naa la chel chɛrsa.

Tuma 8:7 Marejeleo ya Msalaba

Mat. 10:1

Yesu fun yir o gantɛl tiŋsa fidalɛ ba wa o wati, a kpa o kpok a nyɛ ba, chen ni ba zi la duŋni alizin tagnau a ta nara ni a kitiibi wichɔɔrsa.

Mat. 11:5

Nyuluma bukoora nau, gbarigisa val, ka muu tiibi zaguma gbanko. Diŋgbiti tima gbanko nuu ka mu fun lɛli nara a li ba sou ni. Fara tim nɛɛ mu gbanko fun sɛm Koosa laaboor weri ti a nyɛ.

Mat. 4:24

O laaboora fun pisi a su pulum naa ba funɛ yir Siiriya chen, chen ni ba naa funɛ nyɛn dooni, ba fun kpa wichɔɔrsi ta a wa di o tiibi fun nyɛn ba. Alizin tagna funɛ kani nara tima bɔnɛ nyuhu ni, kigbimgbiŋsa ka fun nyɛn ba bɔnɛ ni, ba bɔnɛ nisa awa naŋgere ka fun siti. Yesu fun tiibi ba maga.

Maak 9:26

Alizin tagin ti fun huusi kinkan a si un ni kinkan a li. O funɛ wa li un ni, ba nidamata fun ŋɔ di o sou.

Luk 10:17

A funɛ vusi tamau ka nara fumnɔpɛ dalɛ ta fun bur wa Yesu wati awa tu sɔɔn kinkan ni. Ba fun ŋɔ un, “Ya kunyana, ya funɛ ŋɔ alizin tagna ni di ba li nara ni a li i sɔn daha, ba yaa nu ya nɔu a li ba ni.”

Jɔn 14:12

Wutirɛ mu ŋɔ ma, ba naa se su min, ba zi tum chenani mu tumu. Hali ba zi tumu tum zene a kaali chenani mu tum, domi mu zi wa bur la mu nyan ti watiu.

Tuma 5:16

Nidamata ba naa nyɛn tɔsi ni a go Jɛrusalɛm, fun kpa ba wichɔɔrsa awa ba naa alizin tagna nyɛn ba nyuuni ni a wa nitumɛ ta wati ba tiibi ba maga.

Tuma 8:6

Ba maga fun nu chenani o sɛm chen nɛnɛ a na tum zene naa o tum.

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.