Tuma 8:37 - Tampulma

³⁷ Filip fun ŋɔ, “I si su Yesu wa i bambi maga ni, mu zi chaksi hin wa ni ni.” Namugil ti fun jɛrgi a ŋɔ un, “Mu si su di Yesu Kristo ya Koosa bere.”))

Tuma 8:37 Marejeleo ya Msalaba

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Jɔn 11:27

O fun ŋɔ un, “Mu kunyana, mu si su chenu. Mu gbanko si su di hin ya Koosa be awa Kristo naa o fun ŋɔ di o zi tumu tɛɛnɛ nɔ maga ni saha digi chen.”

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 6:68

Simɔn Pita fun ŋɔ un, “Mu kunyana, anti watɛɛ ya kaa la? Hin kpak Koosa mi fali naa vɛ kpak bɔ sɛma,

Jɔn 9:35

Yesu funɛ nu chenani ba ya un, o fun wa ŋɔ un, “I si su mu waa nibine beuu?”

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 8:12

Filip funɛ wa biksi ba Yesu Kristo wɛ awa chenani Koosa daŋni o dɔ nara wɛ, nibaala awa nihaana kinkan fun nyɛ ba se su Koosa laaboor weri ti. Doone ba fun nyɛ o chaksi ba wa ni ni.

Tuma 8:21

I wa ya wa ya nibɛgim, domi i tuha wa deŋli Koosa suwachak ni.

Tuma 8:36

Ba funɛ nyɛn nyinbaan ti ni a la chene a la dugli pul. Baal ti fun ŋɔ Filip ni, “Ya duglɛ ni bar nyɛniu. Mu daŋni i chaksi min wa ni ni, nandigi wa to a la zi ŋɔ hin di i gil.” ((

Tuma 8:38

Ba fun la tel dooni, o nyɛ zaaga ti chiŋi. O wa Filip fun li loori munzuha ti ni a la tu ni ti ni. Filip fun chaksi un dooni.

Tuma 9:20

A funɛ ya tamnɛ, o fun vaan si a zu Ju tim ta bar lagmi dɛɛna aa biksi ba di Yesu ya Koosa bere.

Room 10:10

Chenani ya se su Koosa, chen nyɛ o bu vɛ na ya galimsa awa chenani ya nɔ sɛma biksi nara ya se suuli wɛ, chen nyɛ o yisi ya a li ya tum tagna ni.

1 Kɔr. 12:3

Adaha mu daŋni ma zimu di nibine naa Koosa siim weri ti nyɛn, o wa zi koti a ŋɔ nɔ a nyɛ Yesu ni. Nibine wa to a la zi koti a sɛm nara ni di Yesu ya o kunyannɛ, see Koosa siim weri ti nyɛn un ni.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.

1 Jɔn 4:15

Naa la nɔɔni di Yesu ya Koosa bere, Koosa nyɛn tiin watiu ka o gbanko nyɛn Koosa ni.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

1 Jɔn 5:10

Naa si su Koosa be ti, o be ti sɛhɛra nyɛn un ni, ka o zim o be ti wɛ nɛnɛ. Naa si vɛ su Koosa, waa la ŋɔ di Koosa ya nusun tiinnɛ, domi o wa la nɔɔni a du Koosa sɛhɛra awa o be ti wɛ ni.

1 Jɔn 5:5

Ba naa se su di Yesu ya Koosa bere duŋduŋ la zi ya chen.