Tuma 8:30 - Tampulma

³⁰ Filip fun chɔ la tiŋ un a nu ka o karimi a li Azaaya tɔn ti ni. O fun ŋɔ un, “I zim chenani i karimi chen munuu?”

Tuma 8:30 Marejeleo ya Msalaba

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.

Mat. 13:23

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un nɛnɛ a wa lulsi fumtotora, fumnɔnɔra, awa kɔkkɔkwa.”

Mat. 13:51

Yesu funɛ vaan sɛm jɛɛgi ta peti, o fun pɛɛsi nara tima, “Maa nu chenani n sɛm ma chenuu?” Ba fun ŋɔ un, “Ya nuu.”

Mat. 15:10

Yesu fun bukoo yir nara tima ba wa o wati. O fun ŋɔ ba, “Ma cheŋi ma diŋsa a nyɛ mu sɛma zu ma bambe ni nɛnɛ.

Mat. 24:15

“Maa nu mu sɛm na nɛnɛ. Koosa witiina naa ba funɛ yir Daniɛl funɛ sɔbi saha digi kundɔŋ kitagin naa kaa nyɛ nara wa na namsi kinkan a li Koosa sɛm tɔn ti ni. Ma zi na unu ka o chiŋi doonani o vɛ lawa o chiŋi,

Maak 13:14

“Maa nu mu sɛm na nɛnɛ. Saha naa ma wa na kundɔŋ kitagin naa kaa nyɛ nara wa na namsi kinkan ka o chiŋi doonani o vɛ lawa o chiŋi, ba naa nyɛn Judia pulum ni, ba si chɔ lalaga a la sogli kuŋkule nyuuna bar nyɛni ni.

Jɔn 4:34

Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Jɔn 5:39

Ma yaa karimi Koosa sɛm tɔn ti saha maga. Ma karimi ti nyɛ ma se su di ma zi na mi fali naa vɛ kpak bɔu. Amaa o sɛm tɔn ti biksi ma mu wɛ.

Tuma 8:27

Filip fun tum chenani malaika ti nɔ un. Nibin zen digi funɛ val nyinbaan ti ni a ya namugil a wuzu ti. O funɛ ya nihɛɛrɛ a li pulum naa ba yir Itiopia ka nihaan digi fun nyɛn doon a ya ba koora. Ba funɛ yir un Kandese. O fun kpa o malɛ a du nihɛɛ ti nin ni. O funɛ la Jɛrusalɛmnɛ a la jɛɛmi Koosa,

Tuma 8:29

Koosa siim weri ti fun ŋɔ Filip ni, “Kila a la tiŋ o gantɛl.”

Tuma 8:31

Baal ti fun ŋɔ un, “Nandigi vɛ ŋɔ min, mu wa kizim o mun.” Doone o fun yir Filip o wa zu a gbaari un ni.

Tuma 8:5

Filip fun kaali tɔhɔn naa ba yir Samaria chen a la biksi doon nara Kristo naa Koosa fun vɔu di o zi wa tumu wuzu digi chen wɛ.

1 Kɔr. 14:19

Amaa mu wa Yesu nitiŋɛ ta wa lagmi di ya jɛɛmi Koosa, mu yaa daŋni mu sɛm ba sɛm tama naa la zi suŋi bau. Chen bɔ wa mu sɛm ba sɛm damata a naa vɛ kpak suŋi.

Ɛfɛ. 5:17

Ma ta chi womna, amaa ma dɛu chenani Koosa daŋni ma tum a nyɛ un.

JɔnN Deesi 13:18

Ma kpak zima, ma zi zimu di kɔksa nɔra di fumnɔra danɔra chiŋɛ baal digi sɔn bar chiŋi nɛɛ.