Tuma 8:13 - Tampulma

¹³ Simɔn gbanko se funɛ su laaboor weri ti. Filip funɛ chaksi un wa ni ni peti, o fun la chiŋi o chakpal ni di o na tum zene awa alaazibu tum ta o tum chen. Alaazibu fun kpak un kinkan a daha.

Tuma 8:13 Marejeleo ya Msalaba

Mat. 3:6

Ba funɛ nu o biksi ti, ba fun la nɔɔni di ba tum tum tagnau ka o fun kpa ni a chaksi ba a li Jɔɔdan mɔɔga ti ni.

Maak 16:17

Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Luk 8:13

Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.

Jɔn 5:20

O daŋni minu a biksi min tum maga chenani o titi tum. Ma fa na chenani mu tiibi baal tiu. Mu kunyana Koosa zi nyɛ mu tum tum zeneu a kaali chen, ka alaazibu kpak ma.

Jɔn 7:21

Yesu fun ŋɔ ba, “Mu funɛ tiibi baal digiu ma hiisi wuzu. O fun ya ma alaazibu kinkan.

Tuma 13:44

Ba hiisi wuzu ti funɛ wa tel, o funɛ duuti ba tɔhɔn ti maga lagmi dooni di ba nu ya kunyan ti laaboor weri ti.

Tuma 19:11

Chen saha ti Koosa fun suŋi Pɔɔl o tum tum zene naa nara ha vɛ naali.

Tuma 3:10

Ba fun zim di waa funɛ ya gbarigi a yaa kani bulzɔɔnɔ naa ba yir kiweri chen mun ni. Alaazibu fun kpak ba kinkan o si a val chen daha.

Tuma 8:21

I wa ya wa ya nibɛgim, domi i tuha wa deŋli Koosa suwachak ni.