Tuma 8:12 - Tampulma

¹² Filip funɛ wa biksi ba Yesu Kristo wɛ awa chenani Koosa daŋni o dɔ nara wɛ, nibaala awa nihaana kinkan fun nyɛ ba se su Koosa laaboor weri ti. Doone ba fun nyɛ o chaksi ba wa ni ni.

Tuma 8:12 Marejeleo ya Msalaba

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Luk 9:2

O funɛ daŋni o tum bau ba la biksi nara di Koosa daŋni o dɔ bau.

Luk 9:60

Yesu fun ŋɔ un, “Tiŋ min lalaknɔ a la biksi nara di Koosa daŋni o dɔ bau. Nyɛ ba naa vɛ tiŋ min sogli un.”

Tuma 1:3

Saha naa Koosa fun lɛli un a li o sou ni hali a la tel saha naa o fun bu zer un a zini o tɔhɔn ti, funɛ ya wuzu fumnaasiwa. Chen saha ti Yesu nitumɛ ta fun bu na Yesu bu damata, ba wa fun bura beeli un di o ya warɛ. O wa ba funɛ lagmi nyɛn, o fun biksi ba chenani Koosa zi wa dɔ nara.

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 18:8

Ba bar lagmi dɛ ti nihɛɛta digi sɔn funɛ ya Krispus. O wa o walɛ fun nyɛ ba se su ya kunyan ti. Ba naa funɛ nyɛn Kɔrint ni, nidamata fun nu Koosa laaboor weri ti a nyɛ ba se su un. Doone Yesu nitiŋɛ ta fun chaksi ba wa ni ni.

Tuma 19:5

Yesu nitiŋɛ ba naa funɛ nyɛn Ɛfɛsus ni, funɛ nu Pɔɔl sɛm ta, ba fun nyɛ o kpa ya kunyan Yesu sɔn a chaksi ba wa ni ni.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 20:25

“Mu wa ma funɛ nyɛn, mu funɛ biksi ma di saha naa Koosa kaa wa dɔ nara telu. Mu zimu di saha nɔ kpa la, ma wa zi bu na min.

Tuma 28:31

O fun kpak bambi a biksi ba di saha naa Koosa kaa wa dɔ nara chen telu awa ya kunyana Yesu Kristo wɛ. Nandigi wa fun to a tɔ un nyinbaan di o ta sɛmi.

Tuma 5:14

Chen saha ti nibaala awa nihaana nidamata se funɛ su Yesu a gbaari ba ni.

Tuma 8:4

Yesu nitiŋɛ ba naa funɛ pisi chen fun kaali tɔ damata a la biksi nara Koosa laaboor weri ti wɛ.

Room 10:10

Chenani ya se su Koosa, chen nyɛ o bu vɛ na ya galimsa awa chenani ya nɔ sɛma biksi nara ya se suuli wɛ, chen nyɛ o yisi ya a li ya tum tagna ni.

1 Kɔr. 11:11

Chenani ya tiŋ ya kunyan ti nan, nibaala awa nihaana ya nibɛgimnɛ o wati.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.