Tuma 7:35 - Tampulma

³⁵ “Ju tim nara balɛ ta Mosis fun gɔɔgi chen fun te ŋɔ un di o wa dɔ ba a kpak nyinbaan ti di o di ba sɛria. Koosa fun tum un di o bu bur kila Ju tima ba naa funɛ vɛ un, wati a nyɛ o malaika naa o na a li bugil pum din ti ni chen suŋi un o ya ba nyuhu tiina awa naa la zi yisi ba.

Tuma 7:35 Marejeleo ya Msalaba

Maak 12:26

Ma waa tɔ di nibinsa wa zi si ba sou niu, ma ha wa karimi a li Koosa sɛm tɔn ti ni a zim o muna doonani Mosis fun la na ka din di bugil pum chenn? O funɛ na bugil pum ti, Koosa fun ŋɔ un, ‘Min ya Koosa naa ma nawaalsa Abraham, Aizik awa Jakɔb yaa jɛɛmi.’

Luk 19:14

Ba naa koora o fun ya chen, bɔnɛ funɛ ha unu. O funɛ kaali tama, ba fun tum nara di ba la pu un a ŋɔ un di o ta bur waali. Ba fun ŋɔ un di ba wara daŋni o bu ya ba koora.

Jɔn 18:40

Ba maga funɛ chɛɛmi a ŋɔ un, “Ya wara daŋni un. Ya daŋni baal naa ba yir Barabas chene.” Barabas funɛ ya nifuksirɛ. Chendaha Pailɔt fun tɔ un dɛ.

Jɔn 19:15

Ba fun tɛsi a ŋɔ un, “Nyɛ ba kpa un a la kpaasi mari daakakli ti ni o sou.” Pailɔt fun ŋɔ ba, “Ma tusa tɔɔru di mu nyɛ ba ya ma koor ti chenn?” Koosa dam kɔkɔɔrsa ba naa funɛ nyɛn zɛmɛ ta ni, ba fun tɛsi a ŋɔ un, “Ya wa kpak koor digi a gbaari Siiza ni.”

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

Tuma 3:22

Ma nawaal Mosis funɛ sɔbiu a li Koosa sɛm tɔn ti ni a ŋɔ, ‘Ma kunyana Koosa zi wa lisi o witinsi ta digiu a li ma tuhu ni a tum un ma wati a chi chenani o fun tum min ma wati nan. Maa tiŋ chenani maga o ŋɔ ma di ma tum.

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Tuma 7:30

“Bun fumnaasi gantɛl ni, wuzu digi Mosis funɛ gba nyabaan ni a wa dugli bi naa ba yir Sainai. O funɛ nyini a na ka din di bugil pum ka Koosa malaikasi ta digi fun nyɛn un ni.

Tuma 7:51

Stivin fun bukoo ŋɔ ba naa lagmi dɔŋ ni chen ni, “Ma kpak bambi kpokwa a chi ba naa vɛ zim Koosa. Ma gbanko kpak bambi sitɛwa a chi ma nawaalsi ta a vɛ tiŋ Koosa siim weri ti nɔ a chi ba.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

Ju 2:2

Ma zim chenani Koosa malaikasi ta fun a kpa o wuti chiksɛ a nyɛ Mosis ni saha digi. Ba naa maga tum tum tagna a vɛ tiŋ o nɔ, Koosa fun na ba galimsa a lɛrgi ba diŋsa. O funɛ deŋliu di o ya chen.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.