Tuma 6:9 - Tampulma

⁹ Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.

Tuma 6:9 Marejeleo ya Msalaba

Mat. 10:17

Ma doso. Nara zi kpak mau wa kpok ni a la sɛria bar diili dɛ. Ba zi tuksi ma wa vurmsi niu a li ba bar lagmi dɛɛni ta ni.

Mat. 23:34

Adaha mu ŋɔ mau, n zi wa tum witinsa awa nibin nɛɛgɛ awa nibiksɛ ba wa ma watiu. Ma zi kpaasi ba bɔnɛu a marigi daakaklɛ niu a kpu ba. Ma ka zi wa tuk ba bɔnɛ awa vurmsi niu a li ma bar lagmi dɛɛni ta ni a duŋni ba a li ma tɔsi ni.

Mat. 27:32

Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Maak 13:9

“Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Luk 21:12

Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Tuma 13:45

Ju tim ta bɔnɛ funɛ na zɛmɛ ta, ba funɛ di handɔta kinkan. Ba funɛ pini Pɔɔl zoma a ŋɔ o sɛm ta wa ya wuti.

Tuma 15:23

Nannɛ ba fun sɔbi a li tɔn nɔ ni. “Nitumɛ ta awa Yesu nitiŋɛ nihɛɛta, ba naa ya ma niinbisa, sɔbi tɔn nɔ a zaami Yesu nitiŋɛ ba naa vɛ ya Ju tima a nyɛn Antiɔk, Siiriya pulum awa Salisia pulum ni.

Tuma 15:41

a kaali Yesu nitiŋɛ ba naa funɛ nyɛn Siiriya pulum awa Sailisia pulum ni, a suŋi ba ba kpak Yesu nɛnɛ a gbaari.

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 18:24

Ju tim ta nidigi funɛ nyɛn doon ba yir un Apɔlɔs. Ba funɛ lul un a li tɔhɔn naa ba yir Alɛzandria a li Ijipt pulum ni. O funɛ zim Koosa sɛm tɔn ti munu kinkan a koti a kpa un a biksi nara nɛnɛ. Wuzu digi o fun wa Ɛfɛsus.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 19:26

Ma zimu chenani Pɔɔl nɔ biksi nara tima di ba bur a li vursi naa nibinsa kɔɔri jɛɛmi ni, domi a ya yɔrirɛ. Nidamata funɛ tiŋ o nɔ a li Ɛfɛsus nɔ awa Azia tim pulum maga ni.

Tuma 21:27

Wuzu bunɔpɛ ta funɛ wa dugli peti, Ju tima ba naa funɛ li Azia pulum, bɔnɛ fun na Pɔɔl a li Koosa bar jɛɛmi dam ti ni. Ba fun nyɛ ba naa maga nyɛn dooni chen dam a la kpak un.

Tuma 21:39

Pɔɔl fun ŋɔ un, “Ju tima lul min tɔ birigi naa ba yir Taasus a li Sailisia pulum ni. Mu sumi hinu, nyɛ mu sɛm a nyɛ zɛmɛ ta ni.”

Tuma 22:19

Mu fun ŋɔ un, ‘Ju tim ta zimu nɛnɛ di mu gba a go ba bar lagmi dɛɛna a kpaksi ba naa se su hin a tuksi.

Tuma 22:3

Pɔɔl fun bukoo ŋɔ ba, “Ju tima lul min tɔhɔn naa ba yir Taasus a li Sailisia pulum ni, amaa mu funɛ biu a burgi nihɛɛ a li Jɛrusalɛm nɔ ni. Ya nibiksi zen naa ba yir Gameliel funɛ biksi min di mu tiŋ ya nawaalsi ta chiksɛ ta nɛnɛ. Chenani mu se fun sɛri di mu tiŋ Koosa chen saha ti awa chenani ma kina sɛri zinan ya kibɛgimnɛ.

Tuma 23:34

Filiks fun karimi tɔn ti a pɛɛsi Pɔɔl pulum naa o li. O funɛ zim di o li Sailisia pulum nɛ,

Tuma 24:18

Wuzu digi mu fun la zu Koosa bar jɛɛmi dam ti a ŋɔ Koosa dam kɔkɔɔrsi ta ni di wuzu bunɔpɛ wuzu ba zi wa kɔɔri kɔɔrau a nyɛ Koosa ni a biksi nara di chenani o funɛ chaani mu bambi ni chen mak o bɔu. Zɛmɛ wa fun go min. Chɛɛm gbanko wa fun toli.

Tuma 26:11

Mu fun gba a go Ju tim ta bar lagmi dɛɛna a lɛrgi Koosa nara ba naa nyɛn dooni, diŋsa a kpaŋi mu titi di mu nyɛ ba bur a li Yesu nyinbaan tiŋi ni. Ba fun nyɛ mu paan si kinkan ka mu kaali tɔ bar bole di mu la nyɛ ba namsi dooni.’ ”

Tuma 6:10

Koosa siim weri ti funɛ suŋi Stivin o sɛm nɛha sɛma a nyaŋi ba.

1 Kɔr. 1:20

Ba naa la tiŋ tɛɛnɛ nɔ tim maga zima, ba wa zim Koosa. Koosa nyɛ tɛɛnɛ nɔ tim maga zima ti ya yɔriu.

Gal. 1:21

Mu funɛ li Jɛrusalɛm ni, mu fun gba Siiriya pulum awa Silisia pulum.