Tuma 6:7 - Tampulma

⁷ Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

Tuma 6:7 Marejeleo ya Msalaba

Mat. 19:30

Nara kinkan ba naa te suwachak a ya nihɛɛta lalaknɔ, ba zi wa burgiu a tiŋ gantɛl. Ba naa tiŋ gantɛl zi wa burgi nihɛɛtau a te suwachak.”

Luk 2:34

Simiɔn fun a sumi Koosa di o suŋi ba, a ŋɔ be ti niin ni, “Koosa funɛ tum i be nɔu di o wa chɔk Ju tim ba naa vɛ un a yisi ba naa la un a li ba tum tagna ni. Lalaknɔwa o nyɛn, Koosa zi muksi nara magau ba lisi chenani ba daŋni. Nidamata zi vɛ unu,

Jɔn 12:42

Ju tim nihɛɛ damata funɛ nyɛ ba se su Yesu, amaa ba wa fun nyɛ ba se su un a li gbampulim ni, domi ba funɛ ɔm Farisi tim tawa. Farisi tim ta zim chenani ba ya, ba zi duŋni bau a li ba bar lagmi dɛɛni ni.

Tuma 12:24

Nidamata fun nyɛ ba se su Koosa laaboor weri ti aa gbaari.

Tuma 13:8

Bayesu sɔn digi funɛ ya Ɛlimas a li Girik tima sɛm ni. O funɛ nu nara balɛ ta ka ba biksi Koosa laaboor weri ti a nyɛ gɔbnati nyuhu tiin ti ni, o fun kpaŋi o titi di o lisi un a li o se suuli ti ni.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Tuma 19:20

Chenani maga funɛ ya nyɛ nidamata se su ya kunyan ti laaboor weri ti a gbaari.

Tuma 2:47

Ba yaa funɛ pɛgi Koosau ka Jɛrusalɛm tima lisi di ba ya nibin werewa. Wuzu kam Koosa fun kpa ba naa o yisi a li ba tum tagna ni, a gbaari ba ni.

Tuma 21:20

O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Gal. 1:23

Ba funɛ nu di mu ya naa funɛ nyɛ ba namsi kinkan a la daŋni mu dusi Koosa laaboor weri ti a ta, ba fun ŋɔ dɔŋ ni, “Baŋa ya baal nɔ burgi a suŋi ya nan?”

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

Ju 11:8

Baal digirɛ ba funɛ yir Abraham, o si fun su Koosa. Koosa funɛ yir un, o fun a tiŋ o nɔ a gba a la pulum naa Koosa fun vɔu di o nyɛ un chen. O funɛ li o titi tɔhɔn ti ni, o wa fun zim doonani Koosa kpa un a la.

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.