Tuma 6:5 - Tampulma

⁵ Ba sɛm ta funɛ nyɛ Yesu nitiŋɛ ta tu sɔɔnau kinkan. Doone ba fun lisi baal naa sɔn ya Stivin. O si funɛ su Yesu nɛnɛ ka Koosa siim weri ti fun te o suwachak. Ba gbanko fun lisi Filip, Prɔkɔrɔs, Nikanɔr, Timɔn, Parminas awa Nikolas naa funɛ si a bur tiŋ Ju tim jɛɛmi nyinbaan. O funɛ li tɔhɔn naa ba yir Antiɔk. Ba fun kpa ba a gbaari Stivin ni.

Tuma 6:5 Marejeleo ya Msalaba

Mat. 23:15

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Ma se sɛrɛu kinkan di ma nyɛ nibinsa bur tiŋ ma Koosa jɛɛmi nyinbaan. Ba wa burgi, ba zi tum tum tagnau a kaali chenani ma tum.

Tuma 11:19

Ju tim ta funɛ kpu Stivin a nyɛ Yesu nitiŋɛ ba naa nyɛn Jɛrusalɛm ni, na namsi, ba nidamata fun pisi a kaali bar bole. Ba bɔnɛ fun kaali Fonisia pulum awa tɔhɔn naa ba yir Antiɔk. Bɔnɛ ka zu arŋa a kaali pulum naa ba yir Saiprus ka ni go un. Ba maga fun kpa Koosa laaboor weri ti a biksi Ju tim ta duŋduŋ.

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 11:22

Yesu nitiŋɛ ba naa funɛ nyɛn Jɛrusalɛm ni, funɛ nu chenani ya Antiɔk ni a tum Barnabas dooni.

Tuma 11:24

Barnabas funɛ ya nibin werire. O si funɛ su Yesu nɛnɛ ka Koosa siim weri ti fun te o suwachak. Nidamata fun nyɛ ba se su ya kunyan ti o daha.

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 11:27

Saha naa Barnabas awa Sɔɔl fun nyɛn Antiɔk ni, Koosa witinsi ta bɔnɛ fun li Jɛrusalɛm a kaali dooni.

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 2:4

ka Koosa siim weri ti fun wa si ba bambe ni, a nyɛ ba fun piili a sɛm sɛm naa vɛ ya ba titi sɛma.

Tuma 21:8

Chɔɔsa funɛ wa pisi, ya fun bu zu arŋ ti a li dooni a kaali Siizaria. Ya fun gil arŋ ti a la zu Filip dama a nyɛn o wati. Waa yaa funɛ biksi Koosa laaboor weri ti a nyɛ nara ni. O funɛ ya nara banɔpɛ ta digirɛ Yesu nitiŋɛ ba naa nyɛn Jɛrusalɛm ni fun lisi di o nyini ba malɛ ta.

Tuma 22:20

Saha naa ba fun kpak Stivin anti funɛ biksi ba i wɛ, a kpu un, mu titi funɛ nyɛn dooniu a na. Mu funɛ nyini ba naa la yaksi un chen taktasa a la nɔɔni chenani ba funɛ ya chen ni.’

Tuma 6:10

Koosa siim weri ti funɛ suŋi Stivin o sɛm nɛha sɛma a nyaŋi ba.

Tuma 6:3

Ya dɔŋtima, ma nyɛ ya lisi nara banɔpɛ ba naa nyɛn ya ni a kpak jirima awa nɛha kinkan a nyɛ Koosa siim weri ti te ba suwachak, kinyini malɛ ta.

Tuma 6:8

Nara tima funɛ na chenani Koosa funɛ suŋi Stivin kinkan a la nyɛ un kpok di o tum tum zene awa alaazibu tuma a nyɛ ba.

Tuma 7:1

Doone Koosa dam kɔkɔɔrsi ta nihɛɛ ti fun ŋɔ Stivin ni, “Chenani nara nama fiksi hin nan ya wutirɛɛ?”

JɔnN Deesi 2:15

Bɔnɛ ka nyɛn ma ni a tiŋ Nikolaitan tima biksi.

JɔnN Deesi 2:6

Ma waa la ha tum tagna a naa Nikolaitan tima tum a chi chenani mu ha a. Chen weru.