Tuma 6:12 - Tampulma

¹² Ba fun burgi nara tima bɔnɛ, Ju tim nihɛɛti ta awa Koosa chiksɛ nibiksɛ ta a du un ni a wa kpak un a chiŋsi Koosa dam kɔkɔɔrsi ta awa sɛria nidiile ta suwachak ni.

Tuma 6:12 Marejeleo ya Msalaba

Mat. 26:57

Ba fun kpa Yesu a kaali Koosa dam kɔkɔɔrsi ta nihɛɛ naa ba funɛ yir Kaifas, dama. Ba funɛ la tel dooni, Koosa chiksɛ nibiksɛ ta awa Ju tim nihɛɛti ta fun lagmi dɔŋ ni.

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Luk 20:1

Wuzu digi Yesu funɛ biksi nara Koosa laaboor weri ti wɛ a li o bar jɛɛmi dam ti ni chene, Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta fun wa lagmi a pɛɛsi un,

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 17:13

Ju tima ba naa funɛ nyɛn Tɛsalonika ni, funɛ nu di Pɔɔl biksi Koosa laaboor weri ti a nyɛ Bɛrɛa tim ta ni, ba bɔnɛ fun wa gbaari Bɛrɛa tim ta ni a lagmi zɛmɛ di ba dam tɔhɔn ti.

Tuma 18:12

Doone Roman tima fun lisi baal naa ba yir Galio a vɔu un gɔbnati nyuhu tiina a li Girik tim pulum ni. Chen saha tirɛ Ju tim ta fun lagmi a kpak Pɔɔl a kpa un la Galio suwachak di ba fiksi un.

Tuma 21:27

Wuzu bunɔpɛ ta funɛ wa dugli peti, Ju tima ba naa funɛ li Azia pulum, bɔnɛ fun na Pɔɔl a li Koosa bar jɛɛmi dam ti ni. Ba fun nyɛ ba naa maga nyɛn dooni chen dam a la kpak un.

Tuma 5:18

Ba fun wa kpaksi ba maga a tɔ dɛ naa ba kpaksi nibin tagna duŋduŋ a tɔ chen.

Tuma 5:27

Ba fun kpa ba wa nihɛɛta ba naa funɛ lagmi dooni suwachak. Koosa dam kɔkɔɔrsi ta nihɛɛ ti fun pɛɛsi ba,

Tuma 6:11

Ba fun gil un a la dɛu nara bɔnɛ a bɔ malɛ a nyɛ ba di ba ŋɔ nara tima ni di ba funɛ nu di Stivin chɔk Koosa awa Mosis sɔnnɛ.