Tuma 6:1 - Tampulma

¹ Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Tuma 6:1 Marejeleo ya Msalaba

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 2:45

Ba fun yogli ba kina maga a nyɛ ba naa la daŋni a ni.

Tuma 2:47

Ba yaa funɛ pɛgi Koosau ka Jɛrusalɛm tima lisi di ba ya nibin werewa. Wuzu kam Koosa fun kpa ba naa o yisi a li ba tum tagna ni, a gbaari ba ni.

Tuma 4:35

a du nitumɛ ta nisa ni. Ba ka kpa a du ba naa la daŋni a nisa ni.

Tuma 4:4

Zɛmɛ ta nidamata fun la nɔɔni di Pita sɛm ta ya wutiu a nyɛ ba se su Yesu. Nibaala duŋduŋ funɛ dugli nara tusugsa nyuunu.

Tuma 5:14

Chen saha ti nibaala awa nihaana nidamata se funɛ su Yesu a gbaari ba ni.

Tuma 5:28

“Ya wa fun tɛ ma nin di ma ta kpa Yesu sɔn a biksi nara timaa? Ma nyini na chenani ma ya. Ma mɔɔli o biksi tiu a li Jɛrusalɛm maga ni a la daŋni ya dɔ o sou.”

Tuma 6:2

Nitumɛ nara fidalɛ ta funɛ nu chenani la ya, ba fun yir Yesu nitiŋɛ ta maga lagmi dɔŋ ni a ŋɔ ba, “Koosa wa fun lisi ya di ya nyini malɛ ta. O ka funɛ lisi yau di ya biksi nara tima o laaboor weri ti wɛ.

Tuma 6:7

Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

Tuma 9:29

O wa Ju tima ba naa funɛ sɛm Girik tim sɛma, funɛ di dɔŋa wa amɔrɛ. Ba fun di amɔrɛ ti hali a wa ku a la nyini di ba na nyinbaan a kpu un.

Tuma 9:39

Pita fun vaan si a tiŋ ba. Pita wa ba funɛ wa tel Jɔpa, ba fun kpa un zini dɛ naa Dɔɔkas nyɛn chen. Nidamata fun lagmi dooni a wi. Luhaana gbanko fun wa gbaari ba ni a pa takta wisa awa takta zene naa o fun nyɛn o miisa ni a sɔ a biksi Pita.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

Room 12:7

Koosa nyɛ ya tum a nyɛ ya dɔŋ tim ni, ma nyɛ ya tum chen. O nyɛ ya biksi narawa, ma nyɛ ya biksi ba.

1 Kɔr. 10:10

Ya ta zulimi a du Koosa ni a chi chenani ba bɔnɛ funɛ zulimi a du un ni chen. O fun nyɛ malaika naa funɛ kpu nara chen, wa kpu ba.

2 Kɔr. 11:22

Ba ya Ju timwaa? Mu gbanko ya Ju timwa. Ba ya Abraham bi lulɛwaa? Mu gbanko ya ba warɛ.

Filip. Tima 3:5

Ju tim ta funɛ lul min a li Bɛnjamin lul nɛɛ. Mu ya Ju narrɛ wuti ni. Mu funɛ ya wuzu bunɔpɛ, ba fun a teŋ min. Mu fun wa bi a burgi Farisi tim nidigi. Ba waa la tiŋ Koosa chiksɛ ta nɛnɛ.

1 Tim. 5:3

Kinyɛ luhaana ba naa vɛ kpak nara ba nyini ba, wa jirima.

1 Tim. 5:9

Luhaan bunsa kaali bun fumnɔra, ka o fun kpak baal bɛgim duŋduŋ a dɛɛsi o bisa nɛnɛ a la Koosa nara awa hɔɔra a du o dam ni a la suŋi ba naa nyɛn muksi ni a kpak un o bambi ni di o tum tum werewa, Yesu nitiŋɛ ta zi nyini unu.

Ju 13:1

Ma maga ya niinbisawa. Chendaha o lawa maa daŋniu saha maga.

Jems 1:27

Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

Jems 4:5

Ma ta lisi di sɛmsɛm naa ba fun a sɔbi a du Koosa sɛm tɔn ti ni, ya yɔrirɛ. Ba funɛ sɔbiu a ŋɔ, “Siim naa Koosa fun kpa a du ya ni chen, o yaa kpak handɔtirɛ a li o titi daŋni ni.”

Jems 5:9

Mu niinbisa, ma ta zulimi dɔŋa, chen ni Koosa wa zi wa di ma sɛria. O zi wa di ma sɛriau lalaga.