Tuma 5:42 - Tampulma

⁴² Wuzu kam ba yaa funɛ zu Koosa bar jɛɛmi dam tiu awa nara damsa di ba biksi nara di Yesu ya naa Koosa fun vɔu di o zi wa tumu wuzu digi chen.

Tuma 5:42 Marejeleo ya Msalaba

Luk 21:37

Yesu funɛ nyɛn Koosa bar jɛɛmi dam ti nɛɛ a biksi nara wuzu bilɛ. Dusum yaa fun a biriu, o li tɔhɔn ti ni a la chɔ Ɔlif bi nyuhu ni.

Luk 22:53

N yaa fun kaniu a biksi nara a li Koosa bar jɛɛmi dam ti ni ka ma vɛ wa kpak min. Sintana, naa nyɛn birsi ni, kpok ma kpa wa di ma wa kpak min.”

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 13:32

Chendaha ya wa bar nɔ zinan. Chenani Koosa fun vɔu a nyɛ ya nawaalsi ta ni chen,

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 17:3

O fun biksi ba di Yesu ya Kristo naa Koosa fun ŋɔ di o zi wa tumu wuzu digi chen a karimi Koosa sɛm tɔn ti bar digi doonani ba fun sɔbi di o zi wa namsiu a sou ka Koosa lɛli un a li o sou ni.

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Tuma 20:20

Mu funɛ biksi Koosa laaboor weri ti a nyɛ ma nara suwachak ni a vɛɛn biksi ma a li ma damsi ni. Kinkin naa la zi suŋi ma wa ka mu vɛ ŋɔ ma.

Tuma 4:20

Ya wa kigil di ya ŋɔ nara ni chenani ya fun na a nu.”

Tuma 4:29

Lalaknɔ wara, ya kunyana, i zim chenani ba sɛm hansura sɛma a du ya niu. Ya naa ya i tumtumsa, ya sumi hinu di i nyɛ ya bambi kpoka ya ŋɔ nara ni i laaboor weri ti wɛ.

Tuma 8:35

Filip fun te ŋɔ un chenani o karimi chen mun a zi biksi un Koosa laaboor weri ti awa Yesu wɛ.

Tuma 8:5

Filip fun kaali tɔhɔn naa ba yir Samaria chen a la biksi doon nara Kristo naa Koosa fun vɔu di o zi wa tumu wuzu digi chen wɛ.

Tuma 9:20

A funɛ ya tamnɛ, o fun vaan si a zu Ju tim ta bar lagmi dɛɛna aa biksi ba di Yesu ya Koosa bere.

1 Kɔr. 2:2

Mu funɛ daŋni mu sɛm mau a li Yesu Kristo siwi daakakli ti daha ni duŋduŋnɛ.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Gal. 6:14

Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.