Tuma 5:36 - Tampulma

³⁶ O wa fun vusi ka baal naa ba yir Tudas chen a ŋɔ di waa ya nara tima nyuhu tiina ka nara fun dugli kɔksa naasi a tiŋ un.

Tuma 5:36 Marejeleo ya Msalaba

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 24:26

“Chen saha nandigi wa ŋɔ, ‘Kina, Kristo nyɛn nyabaan ti ni.’ Nandigi ka wa ŋɔ, ‘Kina, Kristo sogli nyɛn dɛ ni,’ ma ta tiŋ o nɔ.

Mat. 24:5

Nidamata zi wa wau a kpa mu sɔn a yir ba titi. Ba maga zi wa ŋɔu di ba ya Kristo naa Koosa fun ŋɔ di o zi tumu wuzu digi chen a mur nidamata. Adaha ma fiɛŋ ma wa tiŋ ba.

Tuma 21:38

Wuzu bu mɛna gantɛl ni Ijipt tim baal digi fun wa lagmi nara tusugsa naasi a li nyabaan ni a nyɛ ba laal kicheme di ba chem ya. Mu funɛ baa di i wa un ya nibɛgimnɛ.”

Tuma 5:35

O fun ŋɔ ba, “Mu dɔŋtima, ma doso chenani ma kaa ya nara nama.

Tuma 8:9

Baal digi funɛ nyɛn doon ba yir un Simɔn. Bunsa mɛna tuhu ni o yaa funɛ tum tu bilim tumwa a nyɛ Samaria tim ta ni a ŋɔ di o funɛ ya nibin zenne.

Gal. 2:6

Ba naa funɛ chi nihɛɛti ta dooni fun la nɔɔni di chenani mu biksi ba naa vɛ ya Ju tima ya wutirɛ. Ba wa fun kpa biksi digi a gbaari mu biksi ti ni. Mu baga wa fun to di ba wa ya nihɛɛti ta koo ba laata. Koosa wara di ya sɛria a li ya bara nɛɛ.

Gal. 6:3

Nar lisee di o ya nibin zenne a vɛ yaali, o mur o titirɛ.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

2 Pita 2:2

Nidamata zi wa tiŋ bau aa tum chɔkumsi tuma, chen ni nara zi chɔk Koosa wuti nyinbaan ti sɔnu.

Juud 1:16

Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.

JɔnN Deesi 17:3

Koosa siim weri ti fun nyɛ malaika ti zer min a la nyabaan. Sel zen sɛm naa funɛ kpak nyuuna nɔpɛ awa nyindaasa fi funɛ nyɛn dooni. Ba fun sɔbi sɛm nawara la pini Koosa zoma kidamata a du un ni ka sakaal tiin ti fun zini un.

JɔnN Deesi 17:5

Ba fun sɔbi o sɔn naa mun soglee a sak o til ni. Ma nyɛ mu kpa un li gbampulim a ŋɔ ma. O mun ya, “min ya Babilɔn naa ya tɔ zen awa sakaal tima wa ba naa maga la tum tum doŋa kinkan niina.”