Tuma 5:13 - Tampulma

¹³ Ba naa vɛ ya Yesu nitiŋɛ ta funɛ ɔm di ba wa ba lagmi dooni, amaa Jɛrusalɛm tim ta funɛ nyɛ ba jirimau.

Tuma 5:13 Marejeleo ya Msalaba

Luk 19:48

amaa ba wa fun koti nara daha. Ba se funɛ sɛriu di ba nu o biksi ti.

Jɔn 12:42

Ju tim nihɛɛ damata funɛ nyɛ ba se su Yesu, amaa ba wa fun nyɛ ba se su un a li gbampulim ni, domi ba funɛ ɔm Farisi tim tawa. Farisi tim ta zim chenani ba ya, ba zi duŋni bau a li ba bar lagmi dɛɛni ni.

Jɔn 19:38

Baal digi funɛ nyɛn doon. Ba yir un Josɛf a li tɔhɔn naa ba yir Arimatia ni. O funɛ ya Yesu gantɛl tiŋsi ta digirɛ, amaa Ju tim ta nihɛɛti daha, o fun sogli a tiŋ un. O fun kaali Pailɔt wati a la sumi di ba lisi Yesu a li daakakli ti ni a nyɛ un o la sogli. Pailɔt fun a nyɛ un nyinbaan o lisi un.

Jɔn 9:22

Ba funɛ sɛm chene, domi hansura funɛ kpak ba Farisi tim ta daha. Ba funɛ piin ŋɔ di nandigi la nɔɔni di Yesu ya naa Koosa fun vɔu di o zi tumu wuzu digi chen, ba wa zi nyɛ ba bu jɛɛmi Koosa a li ba bar lagmi dɛ ni.

Tuma 19:17

Ju tim ta maga awa ba naa vɛ ya Ju tima aa nyɛn Ɛfɛsus ni fun nu chenani yɛɛ. Hansura fun kpak ba kinkan, chen ni ba fun nyɛ ya kunyana Yesu awa jirima kinkan a gbaari.

Tuma 2:47

Ba yaa funɛ pɛgi Koosau ka Jɛrusalɛm tima lisi di ba ya nibin werewa. Wuzu kam Koosa fun kpa ba naa o yisi a li ba tum tagna ni, a gbaari ba ni.

Tuma 4:21

Ba fun bukoo tɛ ba nin kpok ni a gbaari a nyɛ ba kaali. Ba wa fun koti a lɛrgi ba diŋsa, domi nara tima maga funɛ pɛgi Koosa a li chenani ya daha.

Tuma 5:26

Koosa bar jɛɛmi dam niilɛ ta awa ba nihɛɛ ti fun kaali dooni lalaga a la kpa ba bur wa. Ba fun la kpa ba awa jirima ni a wa, domi hansura fun kpak ba di nara tima zi yaksi ba wa buŋkuli niu.

Tuma 5:5

Ananias funɛ nu Pita sɛm ta, o fun vaan chel a sou. Ba naa maga funɛ nu chenani yɛɛ, hansura fun kpak ba kinkan.

2 Kɔr. 10:15

Ya wara daŋni nyɔɔra a li chenani nara biksi ma a li Koosa laaboor weri ti ni. Ya kpak bambi bɛgimu di ma se zi su unu ka ya wa ma tuma pisi a gbaari.