Tuma 5:12 - Tampulma

¹² Nitumɛ ta fun tum tum zene awa alaazibu tuma nara tima suwachak ni. Ba yaa funɛ zu Koosa bar jɛɛmi dam ti a lagmi Solomon zaŋ ti tuhu ni.

Tuma 5:12 Marejeleo ya Msalaba

Maak 16:20

O gantɛl tiŋsi ta ka fun si a kaali bar damata aa la sɛm Koosa laaboor weri ti a nyɛ nara ni. Koosa fun suŋi ba ba koti a tum tum kpoka aa gbaari, chen ni nara zi zimu di ba sɛm ta ya wutirɛ.))

Jɔn 10:23

Wuzu zene ta bambaan ni, Yesu fun val Koosa bar jɛɛmi dam zaŋ naa ba yir koor Sɔlɔmɔn zaŋ.

Jɔn 4:48

Yesu fun ŋɔ un, “Mu vɛ tum tum zene a nyɛ ma, ma se wa zi su min.”

Tuma 1:14

Ba wa nihaan bɔnɛ wa Mɛri, Yesu niina, wa o niinbisa funɛ sumi Koosa wa tuha kibɛgimnɛ.

Tuma 14:3

Pɔɔl awa Barnabas fun nyɛn dooni a vusi a kpak bambe kpok di ba la biksi nara ya kunyan ti wɛ. Waa funɛ nyɛ ba o kpok ti di ba tum tum zene awa alaazibu tuma a nyɛ un, chen ni nara zi zimu di chenani ba biksi ba di Koosa daŋni o suŋi bau funɛ ya wuti.

Tuma 16:18

Nihabichɛl ti fun tiŋ ya a gba wuzu bilɛ. O fun wa tel o bɔ, Pɔɔl fun burgi a ŋɔ alizin tagin ti ni, “N kpa Yesu Kristo sɔnnɛ a ŋɔ hin di i li un ni.” Alizin tagin ti fun vaan li un ni.

Tuma 19:11

Chen saha ti Koosa fun suŋi Pɔɔl o tum tum zene naa nara ha vɛ naali.

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Tuma 28:9

Chenani o fun tum chen laaboora mɔɔli pulum naa ni go chen maga. Ba naa maga funɛ wi a nyɛn dooni fun wa Pɔɔl wati o tiibi ba.

Tuma 3:11

Pita awa Jɔn funɛ wa tel zaŋ naa ba yir koor Solomon zaŋ, baal ti ha funɛ vɛɛn kpaksi ba nisawa. Nidamata fun chɔ a gor ba a du bambaan ni.

Tuma 4:30

Nyɛ wichɔɔrsa na alaafɛ, chen ni nara zi zim di i kpak kpoku. Nyɛ ya kpa i be Yesu naa i fun lisi, sɔn a tum tum zene awa alaazibu tuma.”

Tuma 9:33

Baal digi funɛ nyɛn doon ba yir un Ɛnɛus. O nisa awa o naŋgere fun sou. O fun chɔ o kichɔɔli ni bun mɛnasa.

Tuma 9:40

Pita fun nyɛ ba kpa a maga a li a gbiri a sumi Koosa. Doone o fun burgi o titi a chem Dɔɔkas a ŋɔ un, “Tabita, si kani.” O fun lɛli o se a na Pita a vaan si kani.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

2 Kɔr. 12:12

Mu funɛ nyɛn ma wati, ma wa funɛ beeli di mu ya Koosa nitumirɛ wuti. Waa funɛ suŋi min di mu tum tum zene a kitum alaazibu tuma awa kanyita kinkan ni a nyɛ ma.

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.