Tuma 4:30 - Tampulma

³⁰ Nyɛ wichɔɔrsa na alaafɛ, chen ni nara zi zim di i kpak kpoku. Nyɛ ya kpa i be Yesu naa i fun lisi, sɔn a tum tum zene awa alaazibu tuma.”

Tuma 4:30 Marejeleo ya Msalaba

Jɔn 4:48

Yesu fun ŋɔ un, “Mu vɛ tum tum zene a nyɛ ma, ma se wa zi su min.”

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Tuma 2:43

Koosa funɛ nyɛ o nitumɛ ta tum tum zene awa alaazibu tumwa kinkan. Tum na daha, Yesu gantɛl tiŋsi ta maga funɛ nyɛ ba jirima kinkan.

Tuma 3:13

Koosa naa ma nawaalsa Abraham, Aizik awa Jakɔb funɛ jɛɛmi, kpa o jirima awa o chaani kinkan a nyɛ o tumtumna Yesu ni. Ma funɛ kpak unu a du gɔbnati nyuhu tiina naa ba yir Pailɔt nin ni. Pailɔt funɛ kpa un wa li ma suwachak a daŋni o gil un o la, ma fun vɛ.

Tuma 3:16

Yesu kpok ti funɛ nyɛ baal ti na alaafɛ. Chenani ma na aa zim kinkin naa ya zinan li chenani ya se su Yesu nee. Chendaha baal nɔ na alaafɛ bar nɔ ma suwachak ni.

Tuma 3:6

Pita fun bu ŋɔ un, “Ya wa kpak malɛ a la zi nyɛ hin, amaa ya zi nyɛ hin kundɔŋu. Kpa Yesu Kristo Nazarɛt nar kpok a si a val.”

Tuma 4:10

Ya daŋni ma awa Ju tim ta maga zim chenani mu kaa ŋɔ mau nɛnɛ. Yesu Kristo Nazarɛt nar kpokre ya kpa a tiibi un. Ma fun kpaasi Yesu a mari daakakli ti ni o sou, amaa Koosa fun lɛlɛ unu a li o sou ni. Yesu daharɛ baal nɔ na alaafɛ a wa chiŋi bar nɔ zinan nan.

Tuma 4:27

Chen vɛɛna, Hɛrɔd awa Pontius Pailɔt wa Ju tim ta wa ba naa vɛ ya Ju tima fun lagmi dɔŋ ni a go i be Yesu ni. I funɛ lisi un di o ya i tumtumna awa naa i fun ŋɔ di i zi wa tumu wuzu digi.

Tuma 5:12

Nitumɛ ta fun tum tum zene awa alaazibu tuma nara tima suwachak ni. Ba yaa funɛ zu Koosa bar jɛɛmi dam ti a lagmi Solomon zaŋ ti tuhu ni.

Tuma 6:8

Nara tima funɛ na chenani Koosa funɛ suŋi Stivin kinkan a la nyɛ un kpok di o tum tum zene awa alaazibu tuma a nyɛ ba.