Tuma 4:29 - Tampulma

²⁹ Lalaknɔ wara, ya kunyana, i zim chenani ba sɛm hansura sɛma a du ya niu. Ya naa ya i tumtumsa, ya sumi hinu di i nyɛ ya bambi kpoka ya ŋɔ nara ni i laaboor weri ti wɛ.

Tuma 4:29 Marejeleo ya Msalaba

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 14:3

Pɔɔl awa Barnabas fun nyɛn dooni a vusi a kpak bambe kpok di ba la biksi nara ya kunyan ti wɛ. Waa funɛ nyɛ ba o kpok ti di ba tum tum zene awa alaazibu tuma a nyɛ un, chen ni nara zi zimu di chenani ba biksi ba di Koosa daŋni o suŋi bau funɛ ya wuti.

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 26:26

Pɔɔl fun burgi a ŋɔ koor Agripa ni, “Koor Agripa, i zim chenani mu sɛm chen munu. Chendaha mu kpak bambi a sɛm hin. Nara fu zi ŋɔ hin kin nama wɛu, domi a wa funɛ sogli a ya.

Tuma 28:31

O fun kpak bambi a biksi ba di saha naa Koosa kaa wa dɔ nara chen telu awa ya kunyana Yesu Kristo wɛ. Nandigi wa fun to a tɔ un nyinbaan di o ta sɛmi.

Tuma 4:13

Ba naa funɛ lagmi dɔŋ ni chen fun nu Pita sɛma, alaazibu fun kpak ba kinkan. Ba fun na di Pita awa Jɔn ya nyu bilim timwa, amaa hansura tama wa fun kpak ba. Kin nama funɛ nyɛ ba lisi di ba wa Yesu funɛ ya kpɛgsiwa.

Tuma 4:21

Ba fun bukoo tɛ ba nin kpok ni a gbaari a nyɛ ba kaali. Ba wa fun koti a lɛrgi ba diŋsa, domi nara tima maga funɛ pɛgi Koosa a li chenani ya daha.

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Tuma 9:27

Doone Barnabas fun wa suŋi un a kpa un kaali nitumɛ ta wati. O fun ŋɔ ba chenani Sɔɔl fun chem ya kunyana Yesu nyinbaan ni ba sɛm sɛma. O gbanko fun ŋɔ ba chenani Sɔɔl fun kpak bambi a biksi Damaskus tima Yesu wɛ.

Tuma 9:28

Ba fun nyɛ o nyɛn ba wati ka ba wa un gba Jɛrusalɛm a biksi nara ya kunyan ti wɛ.

1 Kɔr. 14:13

Adaha naa la sɛm sɛm kurgɛ, o lawa o sumi Koosau o nyɛ un papaha naa la zi biksi un a muna.

2 Kɔr. 3:12

Kin nama daha, ya kpak bambe kpok a biksi nara chenani Koosa fun tum nyɛ ba.

Filip. Tima 1:14

Nan daha, Yesu nitiŋɛ nidamata kpak bambe kpok a gbaari a biksi nara Koosa laaboor weri ti wɛ.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.