Tuma 4:27 - Tampulma

²⁷ Chen vɛɛna, Hɛrɔd awa Pontius Pailɔt wa Ju tim ta wa ba naa vɛ ya Ju tima fun lagmi dɔŋ ni a go i be Yesu ni. I funɛ lisi un di o ya i tumtumna awa naa i fun ŋɔ di i zi wa tumu wuzu digi.

Tuma 4:27 Marejeleo ya Msalaba

Mat. 14:1

Chen saha ti Galili tim koora naa ba funɛ yir Hɛrɔd chen, fun nu Yesu wɛ.

Mat. 14:3

Hɛrɔd fun a kpa o titi niinbe Filip haan. O haan ti sɔn funɛ ya Hɛrɔdias.

Mat. 14:6

Hɛrɔd bun luli wuzu funɛ wa tel, o fun a yir nidamata di ba wa di o luli wuzu diwe. Ba funɛ wa di chene. Hɛrɔdias nihabichɛla fun wa zu dɛ naa ba di diwe ta chen a gɔ a du ba. O gɔɔli ti fun ya Hɛrɔd lɛmlɛm.

Mat. 21:28

“Ma nu mu sɛm na. Baal digi funɛ nyɛn dooni a kpak nibaal bichɛsa lɛ. Wuzu digi o fun kaali a bi hɛɛ wati a ŋɔ un, ‘Kila a la par mu ŋmaha zinan ni.’

Mat. 23:37

Doone Yesu fun ŋɔ, “Ma Jɛrusalɛm tima. Ma yaa kpu witinsa ba naa Koosa tum ma wati. Mu yaa daŋniu n kok ma maga bu damata a chi zimi kok o bisa awa o chɛnɛ ni chen. Amaa ma wara daŋni n kok ma.

Mat. 27:2

Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Maak 10:33

a bukoo ŋɔ, “Maa nu, chenani yaa la Jɛrusalɛm nan, ya wa tel dooni, ba zi wa kpak n waa min nibine beu a kpa min a du Koosa dam kɔkɔɔrsi ta awa Koosa chiksɛ nibiksɛ ta nisa niu. Ba zi wa di mu sou sɛriau a kpa min du ba naa vɛ ya Ju tim nisa ni.

Maak 15:31

Koosa dam kɔkɔɔrsi ta awa Koosa chiksɛ nibiksɛ ta gbanko funɛ mɔmsi un a la ŋɔ dɔŋ ni, “Maa na. O laata fun yisi nara chen a vɛ koti a yisi o titii?

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Luk 22:63

Lanjimasa ba naa funɛ il Yesu chen funɛ mɔmsi unu a la tuk un.

Luk 23:1

Ba maga fun si a kpa Yesu a kaali Pailɔt naa ya gɔbnati nyuhu tiin wati.

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Luk 9:22

Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min, amaa wuzu butora wuzu n zi si a li mu sou niu.”

Jɔn 1:11

O funɛ wa nyɛn o sɛmbiri nara watɛɛ, amaa ba nidamata wa fun la un.

Jɔn 10:36

Mu nyan ti funɛ lisi min a tum min tɛɛnɛ nɔ maga ni. Mu ŋɔ ma di mu ya o bere, yɛrɛ ma ŋɔ min di mu pini o zomwa?

Jɔn 18:28

Chɔɔsa fininirɛ Kaifas awa Yesu fun na dɔŋa peti. Ju tim ta funɛ saksiu di ba di ba wuzu zen wuzu naa ba yir val la gali ti diwe. Lanjimasi ta funɛ kpa Yesu a kaali gɔbnati nyuhu tiina sɛria bar diili dɛ. Ju tim ta fun kpalimi sal ni, domi o funɛ chiu di ba tiŋ zu.

Jɔn 18:29

Gɔbnati nyuhu tiin ti sɔn funɛ ya Pailɔt. O fun li sal ti a la pɛɛsi Ju tim ta, “Baŋ nyuhu nee ma fiksi baal nɔ?”

Jɔn 19:34

Lanjimasi ta nidigi fun kpa o tim a tau o lɔgum hɛna. O funɛ tau un chen, chɛl awa ni funɛ li.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 2:27

Mu zimu di o wa zi nyɛ mu kpalimi mu sou ni. O wa zi nyɛ o tumtum naa o fun lisi bara pɔ.

Tuma 4:30

Nyɛ wichɔɔrsa na alaafɛ, chen ni nara zi zim di i kpak kpoku. Nyɛ ya kpa i be Yesu naa i fun lisi, sɔn a tum tum zene awa alaazibu tuma.”

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.