Tuma 3:25 - Tampulma

²⁵ Vɔwɛ naa Koosa fun vɔu a nyɛ o witinsi ta kpa a a mɔɔli, awa chenani o wa ma nawaalsi ta fun ya nɔ bɛgim, a ya ma gbanko kinawa zinan. Ba funɛ sɔbiu a li Koosa sɛm tɔn ti ni di o ŋɔ Abraham ni, ‘Mu zi nyɛ i bi lulɛ kpa nyusumu a nyɛ tɛɛnɛ nɔ tim maga ni.’

Tuma 3:25 Marejeleo ya Msalaba

Luk 1:72

Ba gbanko fun ŋɔ di o zi ɔm ya nawaalsa sikiu a ta suglɛ chenani o wa ba ya nɔ bɛgim chen.

Tuma 13:26

“Mu niinbisa, ma naa ya Abraham bi lulɛ, awa ma naa vɛ ya Ju tima a la jɛɛmi Koosa. Laaboor weri naa la biksi chenani Koosa daŋni o lisi nara a li ba tum tagna ni ba tiŋ un ya ya kinnɛ.

Tuma 2:39

Chenani Koosa fun vɔu di o kpa a siim weri ti a du ya ni, o funɛ vɔu di o kpa nyɛ ma awa ma bisa wa ba naa nyɛn bar bole ni. Ba naa maga ya kunyan Koosa fun lisi a nyɛ o titi ni, o zi kpa unu a du ba bambe ni.”

Room 15:8

Ma nyɛ mu ŋɔ ma, Kristo funɛ wa tum a nyɛ Ju tim ta ni, chen ni Koosa vɔwɛ a naa o fun ŋɔ a nyɛ Abraham, Aizik awa Jakɔb ni, zi burgi wutiu.

Room 4:13

Koosa funɛ vɔu Abraham awa o bi lulɛ di ba zi wa dɔ tɛɛnɛ nɔ magau, o wa fun vɔu chen Abraham chiksɛ tiŋi daha. O si funɛ su Koosa, chen ni o wa fun koti a bu na o galimsa. Chendaha Koosa fun vɔu chen.

Gal. 3:16

Ba fun bukoo sɔbi a li Koosa sɛm tɔn ti ni a ŋɔ, “Koosa funɛ kpa o vɔwe a nyɛ Abraham awa o be luli ni.” Ba wa fun sɔbi di o kpa a a nyɛ Abraham awa o bi lulɛ ni. O mun ya di o funɛ kpa a a nyɛ nibin bɛgim duŋduŋ nɛɛ. Chen tiina ya Kristo.

Gal. 3:29

Kristo dɔ ma. Chendaha ma zi na kin naa maga Koosa fun vɔu a nyɛ Abraham bi lulɛ ni chenu.

Gal. 3:8

Koosa funɛ te biksi ba naa funɛ sɔbi a li o sɛm tɔn ti ni di o wa zi bu na ba naa vɛ ya Ju tima galimsa o suwachak ni, domi ba se zi wa su unu. Abraham funɛ te nu nan laaboor weri nɔ di, “Koosa zi suŋi ba naa maga nyɛn tɛɛnɛ nɔ maga niu a chi nan o daha.”

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.