Tuma 3:19 - Tampulma

¹⁹ Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 3:19 Marejeleo ya Msalaba

Mat. 13:15

Nar nama bambe situ. Ba tɔ ba diŋsiwa awa ba se gbanko. O vɛ ya chen, ba bambe fu zi lisiu ka ba nu mu sɛma a koti a na. Ba bambe zi chɛrgiu, chen ni mu gil ba tum tagna a nyɛ ba.’

Mat. 18:3

a ŋɔ ba, “Ma nyɛ mu ŋɔ ma, di Koosa wa kiwa dɔ ma, see ma kpa ma titi a burgi chi bichɛla.

Luk 1:16

O zi wa nyɛ Ju tim nidamata bur wa tiŋ ba kunyana Koosau.

Luk 22:57

Pita fun tɔ a ŋɔ un, “N wa zim naa i bi chen.”

Tuma 1:6

Wuzu digi Yesu wa o nitumɛ ta fun lagmi dɔŋ ni, ba pɛɛsi un, “Ya kunyana, i wa zi kpa Ju tim koora a nyɛ ba lalaknɔɔ?”

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 11:21

Nidamata kinkan funɛ nyɛ ba se su ya kunyan ti ka ba bur a tiŋ un, domi Koosa kpok ti funɛ nyɛn ba biksi ti ni.

Tuma 15:3

Yesu nitiŋɛ ta maga fun tiŋ ba a li ta nyinbaan ni. Ba funɛ nyɛn nyinbaan ni a la chene, ba fun ŋɔ Yesu nitiŋɛ ba naa nyɛn Fonisia pulum awa Samaria pulum chenani ba naa vɛ ya Ju tima nidamata funɛ gil ba tum tagna a bur tiŋ Koosa. Chenani Antiɔk tim ta fun ŋɔ ba nyɛ ba tusa sɔɔni kinkan.

Tuma 17:26

Koosa funɛ te naami nibaal bɛgimnɛ. O tuhu nɛɛ nibinsa maga li a purigi a pisi a su tɛɛnɛ nɔ maga. O fun te lisi ba bar nyɛni wɛ awa saha naa ba zi li dooni a zi naami ba.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 28:27

Nara nama bambe situ. Ba tɔ ba diŋsiwa awa ba se gbanko. O vɛ ya chen, ba bambe fu zi lisiu ka ba nu mu sɛm ta a koti a na. Ba bambe zi chɛrgiu, chen ni mu gil ba tum tagna a nyɛ ba.’ ”

Tuma 3:20

Ma ya chen, o zi nyɛ ma bambe bukoo na kpoku a gbaari a tum o be Yesu naa o piin lisi di o kpa nyɛ ma. Waa ya naa o fun vɔu di o zi tumu wuzu digi.

Tuma 3:21

Koosa funɛ nyɛ o witinsa ba naa o fun lisi a nyɛ o titi ni, mɔɔliu saha digi di wuzu digi o zi wa nyɛ kina maga burgi kifalɛu. O lawa Yesu kpalimi Koosa tɔhɔn ti niu hali saha ti wa tel.

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

2 Tɛs. 1:10

A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Ju 4:1

Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.

2 Pita 3:8

Mu bi daŋnɛ, ma ta sugli di Koosa na wuzu bɛgimnɛ o chi bun tusuk bɛgimnɛ. O ka na bun tusuga o chi wuzu bɛgim.

JɔnN Deesi 21:4

O zi fiisi ba sine magau a ta a li ba se ni. Sou awa namsi wa bara wiha wa zi bu nyɛn. Chenani o fun te du wa bu toli.”