Tuma 28:8 - Tampulma

⁸ Kabilima funɛ kpak Publius nyana ka o chaari a chɔ o kichɔɔli ni. Pɔɔl fun nu o wichɔɔrti ti wɛ a fun la zu o dɛ chɔɔli ti a sumi Koosa a nyɛ un a kpa o nisa a sak un ni a tiibi un.

Tuma 28:8 Marejeleo ya Msalaba

Mat. 10:1

Yesu fun yir o gantɛl tiŋsa fidalɛ ba wa o wati, a kpa o kpok a nyɛ ba, chen ni ba zi la duŋni alizin tagnau a ta nara ni a kitiibi wichɔɔrsa.

Mat. 10:8

Ma tiibi wichɔɔrsa awa zaguma a kilɛligi siwe a li ba sou ni aa duŋni alizin tagna a li nara ni. Mu wa ŋɔ di ma bɔ kpok naa mu kpa nyɛ ma chen. Chendaha ma ta nyɛ ba naa ma tiibi chen, bɔ ma.

Mat. 12:13

O fun ŋɔ baal naa nin sou chen di o tuuni o nin ti. O fun tuuni un. O nin ti fun vaan peti.

Mat. 9:18

Yesu funɛ sɛm peti, Ju tim nihɛɛ digi fun wa gbiri o suwachak ni a ŋɔ un, “Mu nihabichɛla ha vaan sou nan. Mu sumi hinu di i wa kpa i nisa a sak un ni, chen ni o zi si o sou niu.”

Maak 16:18

a kikpaksi duma a kinyɔ sambosa ka o ta ya ba kundɔŋ, aa koti a kpa ba nisa a saksi wichɔɔrsi ni ba na alaafɛ.”

Maak 5:23

a sumi un kinkan a ŋɔ, “Mu nihabichɛla la wi a daŋni o sou. Mu sumi hinu kinkan, kuwa a wa kpa i nisa a sak un ni, chen ni o zi na alaafɛu.”

Maak 6:5

O funɛ nyɛn dooni chene, o fun kpa o nin a sak wichɔɔrsi nara tam ni a tiibi ba. Chen duŋduŋnɛ o fun koti a tum. O wa fun koti a tum tum zene, domi ba se wa fun su un.

Maak 7:32

O funɛ la tel dooni chen, ba fun kpa baal naa funɛ ya diŋgbiti tiina. O wa fun koti aa sɛm sɛma nɛnɛ. Ba fun a sumi Yesu di o kpa o nisa a gbaŋsi un, chen ni o zi na alaafɛu.

Luk 13:13

Haan ti fun wa o wati ka o fun kpa o nisa a sak un ni. O fun vaan a koti a deŋli o titi, a piili a pɛgi Koosa.

Luk 4:40

Nha funɛ chel chen, ba naa wichɔɔrta funɛ kurgi, ba walɛ fun kpa ba a wa Yesu wati. O fun kpa o nisa a saksi ba maga ni a tiibi ba.

Tuma 28:7

Ya wa pulum ti koor bar nyɛni wa fun bol dɔŋ ni. O sɔn funɛ ya Publius. O fun la ya a du ya nyɛn o wati wuzu butora.

Tuma 28:9

Chenani o fun tum chen laaboora mɔɔli pulum naa ni go chen maga. Ba naa maga funɛ wi a nyɛn dooni fun wa Pɔɔl wati o tiibi ba.

Tuma 9:40

Pita fun nyɛ ba kpa a maga a li a gbiri a sumi Koosa. Doone o fun burgi o titi a chem Dɔɔkas a ŋɔ un, “Tabita, si kani.” O fun lɛli o se a na Pita a vaan si kani.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 12:9

Waa nyɛ bɔnɛ se suuli a nyɛ bɔnɛ kpak kpok a koti a tiibi nara,