Tuma 28:3 - Tampulma

³ Pɔɔl funɛ lagmi daasa a du din ti ni chene, dum fun li dooni a gasi o nin. Din ti nunum funɛ nyɛ dum ti li.

Tuma 28:3 Marejeleo ya Msalaba

Mat. 12:34

Ma chi dumwa. Maa tum tum tagniwa, yɛrɛ ma kaa ya a sɛm sɛm were? Ma sɛm chenani nyɛn ma bambe nee.

Mat. 23:33

Ma nawaalsa funɛ chi dumwa. Chendaha ma chi ba. Koosa wa wa di o wa di tɛɛnɛ nɔ maga tima sɛria, o zi wa na ma galimsau a kpa ma du din dam ti ni. Yɛrɛ ma kaa wa ya a chɔ li dooni?

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Maak 16:18

a kikpaksi duma a kinyɔ sambosa ka o ta ya ba kundɔŋ, aa koti a kpa ba nisa a saksi wichɔɔrsi ni ba na alaafɛ.”

Tuma 28:2

Ba funɛ ya nibin werewa ya wati a la ya a du. Doon funɛ mi ka wa nyɛn. Chendaha ba fun biksi din di ya weeri.

Tuma 28:4

Ba naa funɛ nyɛn pulum ti ni fun na dum ti ka o gasi Pɔɔl nin ti. Ba fun ŋɔ dɔŋ ni, “Baal nɔ funɛ kpu nandigirɛ. Hali ni ti vɛ di un chen, amaa lalaknɔwa o na o nyɔɔra a zi sou.”

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 6:9

Ya wa ya nibin zene, amaa nara maga zim ya wɛu. Ya chi nibin sitɛwa, amaa ya ka ha vɛɛn kpak miisau. Ba nyɛ ya na namsiu kinkan, amaa ba ha wa kpu ya.