Tuma 28:2 - Tampulma

² Ba funɛ ya nibin werewa ya wati a la ya a du. Doon funɛ mi ka wa nyɛn. Chendaha ba fun biksi din di ya weeri.

Tuma 28:2 Marejeleo ya Msalaba

Mat. 10:42

Maa nu mu sɛm na. Nar kpa ni sɔɔni a nyɛ bichɛl tiin ni di o tiŋ min daha, Koosa zi sir nyɛ un o papahau wuzu digi.”

Jɔn 18:18

Dam bisa awa ba naa la il Koosa bar jɛɛmi dam ti, ba fun zɔk dinhala a buksi din sal ti bambaan ni domi wa funɛ nyɛn. Ba fun chiŋi a go un aa weeri. Pita fun la gbaari ba ni.

Tuma 27:3

Chɔɔsa funɛ wa pisi, ya fun la tel Saidɔn. Julius funɛ ya nibin werire Pɔɔl wati a nyɛ un nyinbaan di o gil arŋ ti a la zaami o chɛna, chen ni ba zi nyɛ un kin nawara o daŋniu.

Tuma 28:3

Pɔɔl funɛ lagmi daasa a du din ti ni chene, dum fun li dooni a gasi o nin. Din ti nunum funɛ nyɛ dum ti li.

Tuma 28:4

Ba naa funɛ nyɛn pulum ti ni fun na dum ti ka o gasi Pɔɔl nin ti. Ba fun ŋɔ dɔŋ ni, “Baal nɔ funɛ kpu nandigirɛ. Hali ni ti vɛ di un chen, amaa lalaknɔwa o na o nyɔɔra a zi sou.”

Room 1:14

Girik tima awa ba naa vɛ nɛɛgi, nɛha tima awa nyu bilim tima, o lawa mu biksi Koosa laaboor weri tiu a nyɛ ba maga ni.

Room 14:1

Nar vɛ kpak kpok a li chenani o se su Yesu a la daŋni o lagmi ma ni, ma la un, amaa ma ta di chenani o lisi amɔrɛ.

Room 14:3

Naa kote a di kina maga, o ta nyini naa la di disa duŋduŋ o chi bichɛla. Naa la di disa duŋduŋ, o ta di naa la di kina maga sɛria. Koosa funɛ la ba magau.

Room 2:27

Chendaha ba naa vɛ ya Ju tima nyɛ ma na galimsa, domi nara funɛ sɔbi Koosa chiksɛ tau a nyɛ ma aa teŋsi ma, amaa maa chɔk au. Ba ka tiŋ o chiksɛ tau a vɛ teŋsi.

1 Kɔr. 14:11

Amaa mu vɛ nu nandigi sɛma, o duuti mu ya womne o wati ka o gbanko duuti o ya womne mu wati.

2 Kɔr. 11:27

Mu funɛ tumu a la gali a gil mu do bu damata. Nyɔksa awa lɔsa fun a kpak min. Mu kilaarɛ wa fun mak min ka mu vɛ kpak bar chɔɔli wuzu kama.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

Ju 13:2

Ma ta suglɛ di ma la hɔɔra aa du ma damsi ni. Bɔnɛ funɛ ya chene saha digi, ba wa fun zim di ba la Koosa malaikasiwa a du.