Tuma 28:14 - Tampulma

¹⁴ Yesu nitiŋɛ ba naa nyɛn dooni, fun nyɛ ya wa nyɛn ba wati. Wuzu bunɔpɛ gantɛl ni, ya fun li dooni a kaali Room.

Tuma 28:14 Marejeleo ya Msalaba

Mat. 10:11

“Ma wa la tel tɔha, ma zu a nyini naa la zi la ma a du. Ma nyɛn doon hali a wuzu naa ma wa li tɔhɔn ti ni.

Jɔn 21:23

Chenani Yesu fun sɛm nyɛ o gantɛl tiŋsi ta fun ŋɔ dɔŋ ni di naa o daŋni kinkan wa zi wa sou. Yesu wa fun sɛm o wɛ di o wa zi sou. O ka funɛ ŋɔ Pita ni, “O ya mu tutɔ di o ha vɛɛn kpak miisa ka mu wa bur wa, o wa ya i wi.”

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 19:1

Apɔlɔs funɛ nyɛn Kɔrint ni, Pɔɔl fun gba a la li Ɛfɛsus. O fun la pu Yesu nitiŋɛ ta bɔnɛ dooni,

Tuma 20:6

Ju tim ta wuzu zen naa ba yaa se boroboro ka luri vɛ nyɛni chen, petiu, ya fun li Girik tim pulum a kaali Filipai a la zu arŋa a kaali Troas. Wuzu bunyuu gantɛl ni ya fun tel doon a nyɛn wuzu bunɔpɛ.

Tuma 21:4

a dɛu Yesu nitiŋɛ a nyɛn ba wati wuzu bunɔpɛ. Koosa siim weri ti fun nyɛ ba ŋɔ Pɔɔl ni di o ta la Jɛrusalɛm.

Tuma 28:13

Wuzu butora ta gantɛl nɛɛ, ya fun li dooni a kaali tɔhɔn naa ba yir Rɛjium a li Itali pulum ni. Chɔɔsa funɛ wa pisi, peha fun ya a li pul mun ni ka ya li dooni. Wuzu bilɛ gantɛl ni ya fun la tel tɔhɔn naa ba yir Puteoli, a li arŋ ti ni dooni.

Tuma 28:15

Yesu nitiŋɛ ba naa nyɛn dooni, fun val nyinbaan ziŋi a wa chem ya. Bɔnɛ fun chem ya a li yawa naa ba yir Apius. Ba wa ya fun val tama ka ba naa tiŋ ba gantɛl a wa chen, fun chem ya a li hɔɔra bar chɔɔli damsi butora. Pɔɔl funɛ na ba chen, o kpami un o zaami Koosa chen daha.

Tuma 28:21

Ju tima ba naa funɛ nyɛn Room ni, fun ŋɔ un, “Ya niinbisa ba naa nyɛn Judia pulum ni, digi wa to a sɔbi i wɛ a du tɔn ni a nyɛ ya. Nandigi wa gba a li dooni a wa ŋɔ ya i laaboora koo a chɔk i sɔn ya wati.

Tuma 6:3

Ya dɔŋtima, ma nyɛ ya lisi nara banɔpɛ ba naa nyɛn ya ni a kpak jirima awa nɛha kinkan a nyɛ Koosa siim weri ti te ba suwachak, kinyini malɛ ta.

Tuma 9:30

O dɔŋtim ta funɛ nu chenani ba daŋni ba kpu un, ba fun tum Sɔɔl Siizaria ni o zu arŋa a kaali Taasus.

Room 1:13

Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.