Tuma 27:24 - Tampulma

²⁴ ‘Pɔɔl, ta ɔmi. Koosa zi nyɛ i la koorsi ta nyuhu tiina Siiza watiu o di i sɛria. O ya niweri daha, o wa zi nyɛ hin koo ba naa wa hin lagmi nyɛn nan nidigi sou.’

Tuma 27:24 Marejeleo ya Msalaba

Mat. 10:18

Ba zi wa kpa ma a la koorsa awa nihɛɛta suwachaku di ba di ma sɛria mu daha. Nan daha, ma zi na nyinbaanu a sɛm ba awa ba naa vɛ ya Ju tima Koosa laaboor weri ti wɛ.

Mat. 10:28

Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

Jɔn 11:9

Yesu fun ŋɔ ba, “Karifisa kin fidalɛ ya nha chela. Mu chi tɛɛnɛ nɔ tim maga fitinne. Mu nyɛn ma wati, ma wa zi tu bɔsi ni, domi ma nau nɛnɛ.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Tuma 25:11

Mu fu chɔk chiksɛ ta koo a tum tum tagin naa i zi di mu sou sɛria, mu saksɛu di mu namsi. Chenani ba fu fiksi min chen vɛ ya wuti, i wa kpak nyinbaan naa i zi kpa min a du ba nisa ni. Mu sumi hinu di i nyɛ i lanjimasi ta kpa min a la koor Siiza wati o di mu sɛria.”

Tuma 27:31

Pɔɔl funɛ na ka niduse tima daŋni ba gil arŋ ti ta a ta bu bur laali, o fun ŋɔ lanjimasi ta awa ba nihɛɛ ti ni, “Ma ta nyɛ niduse tima kaali a ka ya. Ba kaalɛɛ, ya maga zi sitiu.”

Tuma 27:37

Ya naa funɛ lagmi dɔŋ ni a nyɛn arŋ ti tuhu ni a gba chen, funɛ ya nara kɔksa lɛ di fumnɔpɛ danɔrawa.

Tuma 27:42

Lanjimasi ta fun lisi di ba kpu ba naa maga ba il chen, chen ni ba wa zi la tu ni ti a di a chɔ kaali.

Tuma 27:44

a ka fun ŋɔ ba naa vɛ zim ni diili chen ba tu ni ti a kpaksi arŋ kpɛligi ta a kpa ba a la tel jibaŋ ti. Ya maga fun ya chen a fosi ni ti ni.

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Faili. 1:22

Onisimus wa tel i wati, i kɔɔri dɛ a chiksi min. Mu kpak bambi bɛgimu di mu zi koti a wa ma watiu domi ma sumi Koosau a nyɛ min.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.

JɔnN Deesi 1:17

Mu funɛ na un, mu fun chel tɛɛnɛ ni a chi mu siwɛɛ. O fun wa pu min a kpa o nindil a gbaŋsi min a ŋɔ, “Ta ɔmi. Mu vɛ kpak piili a nyɛn a vɛ kpak peti.