Tuma 27:1 - Tampulma

¹ Saha fun wa tel di ba kpa Pɔɔl kila Itali pulum doonani koorsi ta nyuhu tiina Siiza nyɛn. Lanjimasa nihɛɛ digi funɛ nyɛn doon ba yir un Julius. Koor Siiza fun kpa o titi sɔn a du Julius lanjimasa puk ti. Ba fun kpa Pɔɔl awa ba naa ba tɔ ba dɛ bɔnɛ a du Julius nin ni.

Tuma 27:1 Marejeleo ya Msalaba

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Luk 23:47

Lanjimasa kɔkwa nihɛɛ naa funɛ chiŋi dooni a na chenani Yesu sou, o funɛ pɛgi Koosa a ŋɔ, “Wuti baal nɔ sir ya nibin werire.”

Luk 7:2

Lanjima nihɛɛ funɛ nyɛn dooni. O tumtum naa o daŋni kinkan, funɛ wi a daŋni siwi.

Tuma 10:1

Lanjima nihɛɛ digi funɛ nyɛn Siizaria ni. Ba funɛ yir un Kɔnilius. O funɛ ya lanjimasa kɔkwa nyuhu tiinnɛ. Ba maga funɛ li pulum naa ba yir Itali chene.

Tuma 10:22

Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Tuma 16:10

Baal ti funɛ kaali, ya wa Pɔɔl fun saksi di ya la Masɛdonia, domi Koosa funɛ biksi ya di ya ŋɔ ba naa nyɛn dooni o laaboor weri ti wɛ.

Tuma 18:2

O fun la tel dooni a pu Ju tim baal naa ba yir Akwila. Ba funɛ lul un Pɔntus pulum nɛɛ ka o wa o haan naa ba yir Prisila, fun nyɛn Room ni a li Itali pulum ni. Koorsi ta nyuhu tiina Siiza Klɔdius fun ŋɔ Ju tim ta maga ni di ba li Room ni. Chendaha Akwila awa o haan ti fun nyɛn Kɔrint ni.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 21:32

O wa o lanjimasa awa ba nihɛɛta fun vaan chɔ tu a la doonani zɛmɛ ta tuk Pɔɔl chen. Zɛmɛ ta funɛ na lanjimasa nihɛɛ nyuhu tiin ti ka o wa o lanjimasi ta wa, ba fun gil Pɔɔl tuki.

Tuma 22:26

Lanjimasi ta nihɛɛ ti funɛ nu o sɛm ta, o fun kaali ba nihɛɛ nyuhu tiin ti wati a la ŋɔ un, “Mu sumi hinu doso baal ti ni. O ŋɔ min di o ya Roman tim baallɛ.”

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Tuma 23:17

Pɔɔl funɛ nu o sɛm ta, o fun yir lanjimasi ta nihɛɛti ta digi o wa. O fun ŋɔ un, “Kpa bunɔɔn ti kila i nihɛɛ nyuhu tiin ti wati. O kpak wu digirɛ a kaa ŋɔ un.”

Tuma 24:23

O fun ŋɔ o lanjimasa ba naa funɛ il Pɔɔl chen, nihɛɛ di ba ta bu tɔ un dɛ a nyɛ o chɛnsa wa nyinbaan ba kpa kin naa o daŋni a wa nyɛ un.

Tuma 25:12

Fɛstus fun burgi o wa ba naa la suŋi un o di sɛria chen sɛm sɛma dɔŋ wati. Ba funɛ sɛm peti, o fun burgi Pɔɔl wati a ŋɔ un, “I sumi minu di mu nyɛ ba kpa hin a la koor Siiza wati o di i sɛria. Mu zi nyɛ ba kpa hin a la o watiu.”

Tuma 25:25

Mu zaamsɛ unu a na di o wa tum tum tagin digi. Chendaha mu wa koti a di o sou sɛria. O funɛ sumi minu di mu nyɛ ba kpa un a la koorsi ta nyuhu tiina Siiza wati o di o sɛria. Mu fun la nɔɔni a nyɛ o kaali.

Tuma 27:11

Lanjimasa nihɛɛ ti wa la nɔɔni chenani o sɛm chen ni. O ka fun la nɔɔni chenani niduse ta nihɛɛ awa arŋ ti tiina sɛm. Ba funɛ daŋni ba li dooni a la.

Tuma 27:43

Lanjimasi ta nihɛɛ ti wa fun nyɛ lanjimasi ta kpu ba, domi o wa funɛ daŋni Pɔɔl sou. O fun purigi ya maga chen bilɛ. O fun ŋɔ ba naa zim ni diili chen ba te tu ni ti a di a la zini jibaŋ,

Tuma 27:6

Doonee lanjimasa nihɛɛ ti fun na arŋa a li Alɛzandria ni ka o saksi di o la Itali pulum. O fun bur la zu arŋa naa kpa ya li Siizaria a wa lisi ya a bur du arŋ digi ni.

Tuma 28:1

Ba naa funɛ nyɛn doon ka ni ti go ba chen, fun ŋɔ ya di doon sɔn ya Mɔltɔ.

Tuma 28:16

Ya funɛ la tel Room, ba fun nyɛ Pɔɔl nyɛn o duŋduŋ ka lanjima il un.

Ju 13:24

Ma zaami ma nihɛɛta awa Koosa nara ba naa maga nyɛn ma ni, a nyɛ ya. Ma niinbisa ba naa nyɛn Itali pulum ni, ba gbanko zaami mau.