Tuma 26:6 - Tampulma

⁶ Koosa funɛ vɔu vɔwiu a nyɛ Ju tim ta nawaalsi ta ni saha digi a ŋɔ o zi wa lɛli nisitɛu a li ba sou ni. Mu kpak bambi bɛgimu a li chenani o fun sɛm ba chen ni. Chendaha i di mu sɛria zinan ni.

Tuma 26:6 Marejeleo ya Msalaba

Tuma 23:6

Pɔɔl fun na di tɔhɔn ti nihɛɛti ta wa ya nibɛgim. Bɔnɛ funɛ ya Farisi timwa. Bɔnɛ ka ya Sajusi tima. O fun sɛm ta zaŋa a ŋɔ ba, “Mu niinbisa, Farisi tima funɛ lul min. Mu kpak bambi bɛgimu di wuzu digi Koosa zi wa lɛli nisitɛu a li ba sou ni. Chendaha ma lagmi bar nɔ zinan di ma di mu sɛria.”

Tuma 24:15

Chenani Ju tim ba naa nyɛn bar nɔ nan kpak bambi bɛgim di wuzu digi Koosa zi wa lɛli ba naa la tum tum were awa ba naa la tum tum tagnau a li ba sou ni, awa chenani min du ya kibɛgimnɛ.

Tuma 24:21

Mu fun ŋɔ ba di mu kpak bambi bɛgimu di wuzu digi Koosa zi wa lɛli nisitɛu a li ba sou ni. Ba na mu galimsa nan dahauu?”

Tuma 26:8

Pɔɔl fun burgi a ŋɔ Ju tima ba naa funɛ chiŋi dooni, ‘Ma Ju tima, o bɔmu di ma se su di Koosa zi wa lɛli nisitɛu a li ba sou ni. Yɛrɛ o bɔm ma ni chen?’

Tuma 28:20

Ya Ju tima kpak bambi bɛgimu di Koosa zi tum naa o fun vɔu di o tumu ba wati wuzu digi. Roman tim ta funɛ kpa zɔgliu a vɔu mu nisa a nyɛ lanjima nɔ il min domi naa ya nara kpak bambi bɛgim a nyɛ chen daha. Chendaha mu yir ma di ma wa min na dɔŋa.”

Tuma 3:24

Koosa witiina naa ba yir Samuɛl awa ba naa maga tiŋ o gantɛl, ba fun mɔɔli Koosa laaboora a te ŋɔ di kin nama zi yau saha nɔ.

Room 15:8

Ma nyɛ mu ŋɔ ma, Kristo funɛ wa tum a nyɛ Ju tim ta ni, chen ni Koosa vɔwɛ a naa o fun ŋɔ a nyɛ Abraham, Aizik awa Jakɔb ni, zi burgi wutiu.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.